Голливуд юлдузи Никол Кидман Америка кино институти фахрий мукофотини олади

«Оскар» ва «Эмми» мукофотлари совриндори Никол Кидман карьерасидаги ютуқлари учун Америка кино институти  мукофоти лауреати бўлади.

«Никол Кидман қўрқмас санъаткорлиги ва экрандаги жозибаси билан ўнлаб йиллар давомида томошабинларни ўзига ром этиб келган. У куч тимсоли, ўз танловида ва ҳар бир ролида жасоратли», — дейди Америка кино институтининг васийлик кенгаши ва Луcасфильм бош директори Кетлин Кеннеди ўз баёнотида.

Мукофотнинг 49 йиллик тақдирлаш маросими 2023 йилнинг 10 июнь санасида Лос-Анжелесдаги Dolby театрида бўлиб ўтади. Никол Кидман бундай муваффақиятга эришган биринчи австралиялик актриса бўлади. У фаолияти давомида «Догвилл» фильми режиссёри Ларс фон Триэр, «Кўзлар кенг юмилган» кинокартинасини суратга олган Стенли Кубрик, «Мулен Руж» лойиҳасига бошчилик қилган Баз Лурман каби режиссёрлар билан ишлаган.

Британиялик актриса Жули Эндрюс институтнинг 2022 йилги фахрий мукофотини олди. Мерил Стрип, Жорж Клуни, Жек Николсон, Ал Пачино, Дензел Вашингтон, Стивен Спилберг ва бошқа машҳурлар ҳам ушбу мукофотнинг лауреати бўлган.

Мавзуга доир:

• Шаҳар шовқинидан узоқда: Никол Кидман, Жулия Робертс ҳамда чекка ҳудудларда яшашни афзал кўрувчи бошқа юлдузлар (фото).
• Никол Кидман 55 ёшда: Голливуд юлдузи ҳақида 20 та қизиқарли факт (фото).
• Женнифер Лопес, Никол Кидман ҳамда бошқа жаҳонга машҳур аёлларнинг ёшартирувчи парҳезлари.
• Қоғоздан қўрқадиган Меган Фокс, капалакларга тоқат қила олмайдиган Никол Кидман. Машҳурларнинг энг ғалати фобиялари (фото).