“Oskar” va “Emmi” mukofotlari sovrindori Nikol Kidman karyerasidagi yutuqlari uchun Amerika kino instituti mukofoti laureati bo‘ladi.
“Nikol Kidman qo‘rqmas san’atkorligi va ekrandagi jozibasi bilan o‘nlab yillar davomida tomoshabinlarni o‘ziga rom etib kelgan. U kuch timsoli, o‘z tanlovida va har bir rolida jasoratli”, — deydi Amerika kino institutining vasiylik kengashi va Lucasfilm bosh direktori Ketlin Kennedi o‘z bayonotida.
Mukofotning 49-yillik taqdirlash marosimi 2023-yilning 10-iyun sanasida Los-Anjelesdagi Dolby teatrida bo‘lib o‘tadi. Nikol Kidman bunday muvaffaqiyatga erishgan birinchi avstraliyalik aktrisa bo‘ladi. U faoliyati davomida “Dogvill” filmi rejissori Lars fon Trier, “Ko‘zlar keng yumilgan” kinokartinasini suratga olgan Stenli Kubrik, “Mulen Ruj” loyihasiga boshchilik qilgan Baz Lurman kabi rejissorlar bilan ishlagan.
Britaniyalik aktrisa Juli Endryus institutning 2022-yilgi faxriy mukofotini oldi. Meril Strip, Jorj Kluni, Jek Nikolson, Al Pachino, Denzel Vashington, Stiven Spilberg va boshqa mashhurlar ham ushbu mukofotning laureati bo‘lgan.
Mavzuga doir:
- Shahar shovqinidan uzoqda: Nikol Kidman, Juliya Roberts hamda chekka hududlarda yashashni afzal ko‘ruvchi boshqa yulduzlar (foto).
- Nikol Kidman 55 yoshda: Gollivud yulduzi haqida 20 ta qiziqarli fakt (foto).
- Jennifer Lopes, Nikol Kidman hamda boshqa jahonga mashhur ayollarning yoshartiruvchi parhezlari.
- Qog‘ozdan qo‘rqadigan Megan Foks, kapalaklarga toqat qila olmaydigan Nikol Kidman. Mashhurlarning eng g‘alati fobiyalari (foto).
Izoh (0)