Жаҳон ва ўзбек шоу-бизнеси вакилларининг Instagram саҳифаларига жойлаштирилган қизиқарли фото ва видеоларни эътиборингизга ҳавола этамиз.
Ўзбекистон халқ артисти Юлдуз Усмонова «Назар» номли янги таронасини мухлисларига тақдим этди. Хонанда қўшиғини яқинлари даврасида премьера қилди.
Шунингдек, Юлдуз Усмонова актриса Ҳалима Ибрагимова ва Нилуфар Усмонова билан «Кел» номли таронасини ижро этди.
Инстаблогер Жавоҳир Расулов Умра сафарини адо этганини маълум қилди.
Хонанда Қиличбек Мадалиев қизиқчи Аваз Охуннинг концерт дастурида қўшиқ куйлади.
Лола «Ўзбекистон модалар ҳафталиги»да махсус унвон билан тақдирланди, хонанда унга бу мукофот берилишини кутмаганини, бироқ ёқимли лаҳзалар бўлгани ҳақида гапирди.
Хонанда Зоҳиршоҳ Жўраев қизларининг суратини фолловерларига кўрсатди.
Манзура Умра сафарини адо этиб, Ўзбекистонга қайтиб келганини маълум қилди. Хонанданинг шоу-бизнес оламидаги яқинлари — Машҳура Зулфиқорова, Зарнигор Ғаниева, Дилдора Ниёзова, Райҳон Уласенова ва дугоналари уни кўриш учун хонадонига ташриф буюрди.
Хонанда Муниса Ризаева фақат кучли феъл-атворга эга, мослашувчан инсонлар бошқаларнинг фикрига эътибор бермасдан ва ўзи хоҳлаган тарзда яшаши ҳақида айтди.
Актриса Райҳон Асадова янги суратини мухлисларига намойиш этди.
Маҳоратли раққоса Паризода онлайн рақс курсини сотувга чиқариши ҳақида мухлисларига гапириб берди.
Инстаблогер, актриса Феруза Норматова Умра сафарини адо этиб, Ўзбекистонга қайтиб келди.
Шунингдек, актриса Умра сафаридан қайтганидан кейин фақат бир кун меҳмон кутиши, ортиқча исрофгарчиликларга ва яқинларини заҳматга қўйишни истамаслиги ҳақида мухлисларига гапириб берди.
Феруза Норматова сафарга олиб борган iPhone 14 Pro Max’ини чемоданидан чиқармагани, телефон ҳақида умуман ўйламаганини айтди.
Актриса яқинлари уни кутиб олгани ва аэропортдан чиқиб, Сирдарёга боргани акс этган видеони мухлислари билан бўлишди.
«Ойбек ва Нигора» дуэти хонандаси Нигора ўғиллари билан тушган суратини мухлисларига кўрсатди.
Хонанда Дилсўз тез кунларда ҳожи ота, ҳожи оналарга аталган янги қўшиғини тақдим этиши ҳақида обуначиларига гапириб берди.
Режиссёр Жаҳонгир Аҳмедов ўғли билан тушган суратини обуначиларига намойиш қилди.
Актриса Ҳалима Ибрагимова ўз ҳамкасби томонидан пичоқланган актёр ва продюсер Фарҳод Бадаловнинг видеосини мухлисларига тақдим этди.
Актёр Жавоҳир Зокиров рафиқаси билан тушган суратини саҳифасига жойлади.
Актриса, дизайнер Шаҳзода Муҳаммедова йўл ўртасига чиқиб қолган эшакни четга чиқариб қўйиб, унинг ҳаётини сақлаб қолгани ҳақида фолловерларига гапириб берди.
Шунингдек, актриса оила аъзолари билан тоғда дам олаётгани акс этган видеони саҳифасига жойлади.
«Эски шаҳар» гуруҳи хонандаси Жасмин тез кунларда мухлисларига янги таронасига ишланган видеоклипни тақдим этишини маълум қилди.
Асал Шодиева Истанбулдаги рейсига кечикиб боргани, йўлни йўқотиб қўйгани ва сўнгги дақиқаларда мўъжиза рўй бериб, унга ёрдам беришгани ҳақида мухлисларига гапириб берди.
Мавзуга доир:
- Instagram: Liil Xurramov неча ёшда? Дилноза Кубаевага Миллий театр жамоасининг сюрпризи, Ҳалима Ибрагимованинг блогерларга муносабати.
- Instagram: Достонбек Эргашевга тўн кийдирган Dili.me, туғилган кунини нишонлаган ва саёҳатдаги машҳурлар.
- Instagram: 50 минг долларлик машина харид қилган хонанда, Tesla’сини уриб олган Холиқжон вайнер, саёҳатдаги машҳурлар.
- Instagram: Gender party ўтказган Хонзода, мухлисидан мақтов эшитган Зоҳиршоҳ, Болливуд юлдузининг шогирдига айланган Райҳон Асадова.
Изоҳ (0)