Дубайда дунёдаги энг баланд «Burj Binghatti Jacob & Co Residenceс» номи остида 112 қаватли турар жой биноси қурилади. Бу ҳақда Arabiaн Business хабар берди.
Бинонинг тўрт томонида, олд, орқа, ўнг ва чап, лифтлар бўлади. Осмонўпар бинонинг тепасида «Дубайдаги энг ҳашаматли ва эксклюзив бешта пентҳаус» жойлашади.
Ушбу пентҳауслар уч хил бўлиб, улар Fleurs De Jardin, Astronomia ва Billionaire деб номланади. Пентҳаус жойлашган баландликдан шаҳар маркази ва Дубай сув каналини кўриш мумкин. Улардан бири «миллиардерлар учун пентҳаус» деб аталади. Миллиардер пентҳаус икки қаватдан иборат бўлиб, кинозал, кофе-бар, сауна, ҳайдовчилар хонаси, жакузилар, бассейн ва турли хил эксклюзив хусусият ва қулайликларга эга.
Бинонинг ички қисми ҳақида жуда кам маълумот берилган. Аммо хусусий клублар, бассейнлар ва бошқа ҳашаматли нарсалар бўлиши кутилмоқда. Мазкур минора Нью-Йоркдаги 472 метрлик Central Park Tower турар жой биносидан ҳам баланд бўлади.
Изоҳ (0)