Жаҳон соғлиқни сақлаш ташкилоти (ЖССТ) маймунчечак вируси номини MPOX деб ўзгартиришни режалаштирмоқда. Бу ҳақда Politico уч нафар хабардор манбага таяниб ёзмоқда.
Нашр суҳбатдошларига кўра, ЖССТ янги номни 23 ноябрь куни расман эълон қилиши мумкин. Манбаларнинг таъкидлашича, бу қарор АҚШ президенти Жо Байден маъмуриятининг юқори мартабали амалдорлари томонидан босим кучайиб бораётган бир пайтда қабул қилинган, улар ЖССТ раҳбарларини касаллик номини ўзгартиришга қатъий чақирганди.
Байден маъмурияти бир неча ойдан буён вирус номи — айниқса танаси ранги турлича бўлган одамлар орасида — стигматизацияни (муайян гуруҳни камситиш) кучайтираётганидан хавотирда эди, янги номга ўтишнинг сустлиги ёзда бошлаган эмлаш кампаниясига ҳам тўсқинлик қилмоқда, — деди манбалар нашрга.Маймунчечак — юқумли касаллик. У биринчи марта 1958 йилда, асосан Африкада топилган. Бироқ 2003 йилда вирус қитъадан ташқарига чиқди: АҚШда яшовчилар ҳам уни юқтирди.
Замонавий амалиётга кўра, янги аниқланган вируслар, инфекциялар мутациялари ва улар билан боғлиқ касалликлар атамалари маданий, ижтимоий, миллий, минтақавий, касбий ёки этник жиҳатдан камситувчи мазмунга эга бўлмаслиги зарур. ЖССТ вирус номини ўзгартириш ҳаракатини ёз ойларида бошлаганди.
Изоҳ (0)