Хитойнинг Хенан провинцияси Анян шаҳридаги Каихинда Trading Cо Ltd. заводида ёнғин содир бўлди, оқибатда 36 киши ҳалок бўлди, деб хабар беради Сина нашри.
Бундан ташқари, яна икки киши жабрланган, улар енгил шикастланишлар билан касалхонага етказилган. Шунингдек, яна икки киши бедарак йўқолган.
Сина маълумотларига кўра, ёнғин 21 ноябрь куни 16:22 да (Тошкент вақти билан 13:22) да бошланган, уни 23:00 га яқин (20:00) ўчиришга муваффақ бўлишган. Аланга нима сабабдан чиққани номаълум.
Баъзи манбаларда қурбонлар сони 38 киши дейилмоқда.
Ёнғинни ўчиришга 68 та техника, 240 дан зиёд ўт ўчирувчилар жалб қилинган. 22 ноябрь эрталаб ҳолатига, ёнғинни назорат остига олишга эришишган, қутқарувчилар корхонанинг вайрон бўлган биносида қидириш ишларини давом эттирмоқда.
Изоҳ (0)