Ижтимоий тармоқларда «Яна МИБ ходими калтак еди» сарлавҳаси остида видеолавҳа эълон қилинганди. Мажбурий ижро бюроси «Дарё»га ҳолат юзасидан муносабат билдирди.
Аниқланишича, бюронинг Юнусобод тумани бўлими иш юритувида фуқаролик қарздор фуқаро Б.Р.дан ундирувчи Д.М. қизи фойдасига 2 нафар вояга етмаган фарзанди таъминоти учун қарздорнинг ҳар ойлик иш ҳақи ва бошқа даромадларининг 1/3 қисм миқдорида алимент ва фарзанди уч ёшга тўлгунга қадар ҳар ойда меҳнатга ҳақ тўлашнинг энг кам 1/4 баравари миқдорида моддий таъминот ундириш тўғрисидаги ижро ҳужжати мавжуд.
Мазкур алимент ундируви билан боғлиқ ижро ҳужжати юзасидан 27 февраль куни қарздор фуқаро Б.Р. бўлим давлат ижрочиси А.Носиров томонидан бюронинг Юнусобод тумани бўлимига чақиртирилган ва қарздор фуқаро давлат ижрочисидан алимент ҳамда моддий таъминот пулларини ҳисоблаб беришни сўраган.
Давлат ижрочиси қарздор Б.Р.дан алимент ҳамда моддий таъминот пулларини тўлаганини тасдиқловчи ҳужжат сўраганда тақдим қилишдан бўйин товлаган. Шундан сўнг бюронинг Юнусобод тумани бўлими биноси ташқарисида фуқаро Б.Р. давлат ижрочисига ҳақоратли сўзлар ишлатиб, қўпол муомалада бўлган ва боши билан унинг бош қисмига зарба берган. Вазиятни бартараф этиш мақсадида бўлим давлат ижрочиси Ш.Абдукаримов қарздор Б.Р ва А.Н.ни ажратган.
Ҳолатни ўрганиш даврида фуқаро Б.Р. давлат ижрочига нисбатан қўпол муомалада бўлганини тан олиб, ундан кечирим сўраган, ўз навбатида, давлат ижрочиси А.Носиров ҳам унга нисбатан даъвоси йўқлигини билдириб, ўзаро ярашганини билдирган.
Мавзуга доир:
Изоҳ (0)