Шавкат Мирзиёев 21 ноябрь куни Қозоғистон президенти Қосим-Жўмарт Тўқаев билан телефон орқали мулоқоти қилиб, президентлик сайловидаги ғалабаси билан табриклади.
Президент матбуот хизматининг хабар қилишича, давлат раҳбари уни умумхалқ сайлови муваффақиятли ўтгани ва унда ишончли ғалаба қозонгани билан самимий муборакбод этди.
Ўзбекистон—Қозоғистон яхши қўшничилик, стратегик шериклик ва иттифоқчилик муносабатларини янада мустаҳкамлашнинг долзарб масалалари кўриб чиқилди. Бўлажак олий даражадаги учрашувларни тайёрлашга алоҳида эътибор қаратилди.
Савдо, саноат, энергетика, транспорт ва логистика, қишлоқ хўжалиги каби устувор йўналишларда ва иқтисодиётнинг бошқа тармоқларида амалий ҳамкорликни кенгайтириш муҳимлиги қайд этилди. Минтақавий ҳамкорлик масалалари юзасидан ҳам фикр алмашилди.
Қозоғистоннинг амалдаги президенти Қосим-Жўмарт Тўқаев 20 ноябрь куни бўлиб ўтган президентлик сайловида ғалаба қозонганди.
«Очиқ жамият» халқаро минтақавий тадқиқотлар институти маълумотларига кўра, Тўқаев 82,45 фоиз, «Amanat» партиясининг Давлат сиёсати институти маълумотларига кўра — 85,52 фоиз овоз тўплади. «SOCИС-А» кенг қамровли ижтимоий тадқиқотлар институтида бу кўрсаткич 82,02 фоизни ташкил қилди.
Элбоши Нурсултон Назарбоев биринчилардан бўлиб Тўқаевни сайловдаги ғалабаси билан табриклади.
Изоҳ (0)