Россияда 25 ёшли ўзбекистонлик йигит 29 ёшли аёлни ўлдиришда гумон қилинмоқда. Бу ҳақда «Московский комсомолес» хабар берди.
Маълум қилинишича, марҳума олган пичоқ жароҳатлари оқибатида ҳалок бўлган. Жабрланувчи Москвага Донецкдан келган. Дугонаси билан у Севастопол проспектидаги квартирада турган. Узоқ вақт давомида у «Мясниский ряд» дўконида ишлаган. Қотилликда гумонланган ўзбекистонлик йигит ҳам шу ерда ишлаган.
Таъкидланишича, йигит унга ғамхўрлик қила бошлаган, аёл эса жавоб бермаган. 17 ноябрь куни йигит аёлни пичоқ билан қўрқитиб, бўғиб ўлдирмоқчи бўлган. Жабрланувчи бу ҳақда полиция ва дугонасига айтган. Бироқ аёл 18 ноябрь куни ўлик ҳолда топилган.
Мазкур ҳолат юзасидан Россия Жиноят кодексининг 105-моддаси 1-қисми (қотиллик) билан жиноят иши қўзғатилган. Пичоқ жароҳатлари билан марҳуманинг жасади ўликхонага юборилган. Ҳозирда ҳуқуқ-тартибот идоралари ходимлари ўзбекистонлик йигитни қидирмоқда.
Аввалроқ Ўзбекистонда қидирувда бўлган эркак Россияда қўлга олингани хабар қилинганди. Эркак суддан қочиб кетгани учун Ўзбекистонда қидирувда бўлган. Ҳозирда Россиядан уни экстрадиция қилиш ишлари олиб борилмоқда.
Изоҳ (0)