Венгрия бош вазири Виктор Орбан бу йил Европа Иттифоқининг Россияга қарши санкциялари туфайли мамлакат 10 миллиард евро йўқотганини билдирди. Бу ҳақда «ТАСС» хабар бермоқда.
Унинг таъкидлашича, Брюсселнинг нотўғри санкциялар сиёсати энергетика нархларининг кескин ошишига сабаб бўлган, бу эса Венгрия иқтисодиётида йилига 10 миллиард евро дефицит олиб келган.
Ҳукумат мамлакат иқтисодиёти 6 миллиард евролик йўқотишнинг ўрнини қоплашига умид қилмоқда, бироқ қолган 4 миллиард евро қисми бюджетга оғир юк бўлади.
Орбаннинг таъкидлашича, бу ижтимоий мақсадларга, иш ҳақини оширишга, солиқларни камайтиришга ва венгер оилаларига нафақа тўлашга сарфланиши мумкин бўлган маблағлар ҳақида кетмоқда.
Шунинг учун, Венгрия ҳукуматининг санкцияларга эътирозлари ҳеч кимга ортиқча бўлиб кўринмаслиги керак, — деди Бош вазир.
У қандай ҳисоб-китоблар натижасида мамлакат 10 миллиард евролик йўқотишларга учраганини асослаб бермаган.
Бироқ, аввалроқ Орбаннинг ўзи ва унинг вазирлар маҳкамаси аъзолари, агар ўтган йили Венгрия энергия импортига 10 миллиард евро сарфлаган бўлса, бу йил бу харажатлар 17 миллиард еврогача, келаси йили эса икки баравар ошиши мумкинлигини таъкидлаган эди.
Аввалроқ Венгриянинг OTP Bank’и «Ипотека банк»ни сотиб олиш бўйича жараённи қайта бошлагани ҳақида хабар берилганди.
Изоҳ (0)