Европаликлар, инфляция туфайли, Рождество ва Янги йил байрамлари учун нисбатан арзонроқ саёҳат вариантларини танлашни бошлади. Бу ҳақда Bloomberg Триваго бронлаш хизмати маълумотларига таяниб ёзмоқда.
Онлайн брон қилиш бўйича экспертларнинг фикрига кўра, европаликлар саёҳат бюджетларини қисқартирмоқда. Бунга уй хўжаликлари харажатларининг ўсиши бир марталик даромадга таъсир қилаётгани сабаб бўляпти.
Триваго молия директори Маттиас Тиллманнинг сўзларига кўра, ноябрдан январгача бўлган бронлаш маълумотлари одамлар арзонроқ меҳмонхоналар ва қисқароқ саёҳатларни афзал кўришларини кўрсатади.
Тиллманнинг таъкидлашича, европаликлар саёҳатда қолиш муддатини ўртача 10 фоизга қисқартиради.
Бундан ташқари, унинг сўзларига кўра, ҳозирги шароитда одамлар саёҳат учун арзонроқ жойларни қидирмоқда.
Ўрта ер денгизи шаҳарлари айниқса машҳур бўлиб, бу ерда уй-жой одатда арзонроқ бўлади.
Греция ва Испания машҳур курортлар қаторида қолмоқда, Истанбул эса ўз мавқейини сезиларли даражада яхшилаган ва энг машҳур 20 та дам олиш жойидан бешликка кўтарилган.
Европаликлар янада тежамкор бўлиб бораётган бўлса-да, улар ҳали дам олиш ва саёҳатдан бутунлай воз кечмаган.
Аввалроқ Ўзбекистон россияликлар учун энг оммабоп йўналишлар бешлигига киргани ҳақида хабар берилган эди.
Изоҳ (0)