Мамлакат Молия вазирлиги маълумотларига кўра, октябрь ойида Япония экспорти ҳажми ўтган йилнинг шу ойига нисбатан 25,3 фоизга ўсди ва тахминан 64 миллиард долларни ташкил этди, импорт ҳажми яна рекордга айланди. Бу ҳақда «Интерфакс» хабар бермоқда.
Кўрсаткичнинг ўсиши кетма-кет 20-ой давом этмоқда. Шу билан бирга, ўсиш суръатлари сентябрь ойидаги 28,9 фоизга нисбатан секинлашган.
Trading Economicс маълумотларига кўра, таҳлилчилар ўтган ойда экспорт ҳажми ўртача 28,1 фоизга ошишини прогноз қилган.
Мамлакатда машинасозлик ускуналари экспорти 17,6 фоизга, шу жумладан чиплар ишлаб чиқариш ускуналари 17,7 фоизга ўсди. Транспорт техникасини етказиб бериш 1,6 бараварга, шу жумладан автомобилларни етказиб бериш 1,9 баробарга ошди.
Кимё маҳсулотлари экспорти 9,9 фоизга, саноат маҳсулотлари экспорти 12,4 фоизга, темир рудаси ва пўлат экспорти 7,3 фоизга, рангли металлар экспорти 18,1 фоизга ошди.
Ўтган ойда АҚШга экспорт 36,5 фоизга, Хитойга — 7,7 фоизга, Гонконгга — 11,3 фоизга, Жанубий Кореяга — 23,3 фоизга, Германияга — 15,5 фоизга ошган.
Япония импорти сентябр ойида ҳам 53,5 фоизга ошиб, рекорд даражадаги 80 млрд долларни ташкил қилган. Таҳлилчилар сентябр ойидаги 45,7 фоиздан кейин ўртача 49,7 фоизга ўсишни башорат қилган эди.
Кўрсаткич кетма-кет 18 ой давомида фоизларда икки рақамли суръатда ўсиб бормоқда. Хитойдан импорт 39,3 фоизга, АҚШдан 47,1 фоизга, Жанубий Кореядан 38,3 фоизга ошди.
Аввалроқ Япония валюта интервенцияларига 43,06 миллиард доллар сарфлагани маълум қилинганди.
Изоҳ (0)