Жорий йилнинг октябрь ойи якунлари бўйича келгуси 12 ой учун нархлар ўсиши бўйича бизнес вакилларининг инфляцион кутилмалари ўтган ойга нисбатан 0,4 фоиз бандга юқорилаб, 14,2 фоизни ташкил этди (пдф).
Инфляцион кутилмалар — турли гуруҳлар бўйича мос жавобни белгилаган аҳоли сонининг ўша жавоблар ўртача қийматига кўпайтмалари йиғиндисини жами аҳоли сонига нисбати (ўртача кўрсаткич).
Тадбиркорлик субъектларининг инфляцион кутилмалари динамикаси (фоизда):
Келгуси 12 ойда инфляция кўрсаткичи жорий даражада ёки ундан юқорироқ бўлишини кутаётган респондентларнинг улуши ўтган ойга нисбатан 5 фоизга юқорилади.
Инфляцион кутилмаларнинг асосий омиллари (респондентларнинг улуши, фоизда):
Ушбу ойда тадбиркорларнинг аксарият қисми келгуси 12 ойда инфляцияни 9-12 фоиз атрофида бўлишини кутмоқда.
Шунингдек, октябрь ойида бир йилдан сўнг инфляция 17-20 фоиз доирасида бўлишини кутаётган бизнес вакилларининг улуши ортиб бормоқда.
Инфляцион кутилмалар бўйича респондентларнинг тақсимоти (респондентларнинг улуши, фоизда):
Тадбиркорлар томонидан кейинги 12 ойда нархлар ошишига валюта курсининг қадрсизланиши (44 фоиз) ҳамда ёқилғи маҳсулотлари ва транспорт хизматларининг нархлари қимматлашиши (39 фоиз) каби омиллар таъсир этиши мумкинлиги таъкидланди.
Аввалроқ Ўзбекистонда бизнес кайфияти қандай бўлаётгани ҳақида хабар берилганди.
Изоҳ (0)