Ижтимоий тармоқларда «Ўзбекистон ҳаво йўллари»га тегишли Boeing 757 самолётининг дум қисми шикастлангани (эзилгани) айтилган хабар тарқалди. Uzbekistan Airways ҳолатга муносабат билдирди.
Қайд этилишича, барча русумдаги ҳаво кемаларида фюзеляжнинг дум қисми горизонтал стабилизаторни ўрнатиш соҳасида қопламанинг қайрилган қисмига эга. Стабилизаторнинг бурчаги ўзгартирилганда намликдан, ёт жисмлардан бўшлиқларни беркитиш ва аэродинамик профилни тиклаш учун пастдан ва юқоридан стабилизаторнинг илдиз қисмига фартук бириктирилади. Стабилизаторнинг бурчаги ўзгартирилганда, фартук ҳам стабилизатор билан фюзелаж қопламасининг бурчак қайрилган юзаси бўйлаб ҳаракатланади. Бу қисмда ҳеч қандай шикастланиш мавжуд бўлмаган.
«Uzbekistan Airways авиакомпанияси учун энг муҳими йўловчилар хавфсизлиги эканлигини эслатиб ўтамиз. Агар ҳаво кемасида бирон-бир шикастланиш ва техник носозликлар юзага келса, авиакомпания барча аниқланган техник носозликларни тезда бартараф этади», — дейилади хабарда.
Изоҳ (0)