Самарқанд вилоятининг Самарқанд туманида қайнонаси билан уришиб қолган аёл 3 нафар вояга етмаган фарзандлари билан ўзини каналга ташлади. Бу ҳақда вилоят ИИБ матбуот хизмати хабар берди.
Маълум қилинишича, воқеа 3 ноябрь куни юз берган. 1996 йилда туғилган Қ.А. қайнонаси билан ўрталарида келиб чиққан оилавий келишмовчилик натижасида унга аччиқ қилиб, ўзини уч нафар вояга етмаган фарзанди билан бирга туман ҳудудидан оқиб ўтувчи Дарғом каналига ташлаб юборган.
Шу тумандаги ошхонада ишловчи фуқаролар уларни қутқариб қолган.
Аммо аёлнинг икки нафар фарзанди вафот этган. Ўзи ва яна бир фарзанди туман марказий шифохонасига олиб борилган. Шифокорлар томонидан биринчи тиббий ёрдам кўрсатилиб даволаниш учун шифохонанинг жонлантириш бўлимига ётқизилган.
Ҳозирда ҳолат юзасидан Самарқанд туман прокуратураси томонидан терговга-қадар текширув ишлари олиб борилмоқда.
Изоҳ (0)