Марказий Осиёда полимерлар ишлаб чиқариш бўйича йирик корхона бўлиши кутилаётган MTO Газ-кимё мажмуаси қурилишининг оператори «Gas Chemical Complex MTO Central Asia LLC» МЧЖ лойиҳанинг EPC-пудратчиси этиб Enter Engineering Pte Ltd компаниясини танлади.
Померлар ишлаб чиқариш бўйича инновацион мажмуа Бухоро вилоятида янги ташкил этилган «Қоракўл» Эркин иқтисодий зонасининг дастлаб лангар танлашловчи резиденти вазифасини ўтайди. MTO Газ-кимё мажмуаси (MTO ГКМ) тўлиғича Ўзбекистондаги йирик нефть-газ компанияларидан бири бўлган «Саноат Энергетика Гуруҳи» (СанЕГ) МЧЖ ИКга тегишлидир.
3 миллиард АҚШ долларига яқин маблағга тенг шартномага кўра, объектларни, шунингдек керакли инфраструктура иншоотларини лойиҳалаш, қуриш ҳамда асбоб-ускуналарни харид қилиш назарда тутилган. Барча ишлар 2025 йилда якунланиши керак.
Enter Engineering компанияси ўзининг Марказий Осиёнинг нефть-газ сектори ва саноат бунёдкорлиги соҳасидаги нодир экспертиза ва кўп йиллик иш тажрибасига эга экани шарофати ўлароқ танланди.
Масрур Шокиров, «Gas Chemical Complex MTO Central Asia LLC» МЧЖ бош директори:
«MTO Газ-кимё мажмуаси Ўзбекистон Республикасининг газни чуқур қайта ишлаш ва юқори қўшимча қийматга эга бўлган маҳсулотни яратиш бўйича стратегиясини амалга ошириш чора-тадбирлари доирасида бунёд этилмоқда.
Корхона шакли ноёб ҳисобланади – биз дунёда илк бор бир майдонда табиий метан газидан нафақат метанол, балки MTO технологияси орқали этилен ва пропилен ҳам ишлаб чиқара бошлаймиз.
Лойиҳа устида муҳандислар, лойиҳачилар, газ-кимё соҳаси мутахассисларидан иборат халқаро жамоа ишламоқда».
Улуғбек Усмонов, Enter Engineering бош директори: «Замонавий газ-кимё мажмуаси қурилиши – бу энг аввало, ўта мураккаб инженерлик вазифаси ва уни уддалаш Enter Engineering учун катта шараф.
Зиммамиздаги вазифани белгиланган муддатда бажариш учун барча керакли ресурслар сафарбар этилди – компания тасарруфидаги қурилиш техникаси ва транспорт воситалари ажратилди, тегишли мутахассислар жамоаси тузилди, махсус асбоб-ускуналарни етказиш учун қулай логистика йўллари белгиланди. Қурилишнинг энг авж нуқтасида қурилиш майдонида ишчиларнинг сони 10 000 нафардан ортади».
Ўзбекистон Республикаси Президентининг тегишли қарорига мувофиқ MTO ГКМ энг илғор халқаро нормалар ва стандартларга мос равишда лойиҳалаштирилмоқда. Ушбу лойиҳа маҳаллий ва хорижлик мутахассисларнинг нефть-газ соҳасида энг илғор ютуқлар асосидаги глобал ҳамкорлигига яққол мисол бўла олади.
MTO ГКМ лойиҳаси устида John Wood Group (Буюк Британия), Topsoe (Дания), Koch Industries Inc. (АҚШ), Chemtex Global Corp. (АҚШ), Scientific Design (АҚШ), Versalis (Италия), Sinopec (Хитой) ва Grace Catalysts Technologies (АҚШ) каби йирик компаниялар ишламоқда.
MTO Газ-кимё мажмуаси йилига 730 минг тонна полимер маҳсулот ишлаб чиқариш қувватига эга бўлган Марказий Осиёда шу турдаги энг йирик заводга айланади. Унинг ишга тушиши юқори қўшимча қийматга эга товарлар ишлаб чиқариш учун хом ашёга бўлган маҳаллий эҳтиёжни тўлиқ қондириш имконини беради. Корхона тўрт турдаги маҳсулотни ишлаб чиқаради: полипропилен (250 000 т/й), қуйи зичликка эга полиетилен (80 000 т/й), этиленвинилацетат (100 000 т/й) ва полиэтилентерефталат (300 000 т/й). Бу маҳсулотларнинг кейинги учтаси республикамизда илк бор ишлаб чиқарила бошлайди.
Ўтган йили, қурилишни бошлаш арафасида лойиҳани рўёбга чиқариш йўлида бир нечта муҳим қадамлар қўйилди.
- Август ойида Ўзбекистон Республикаси Вазирлар Маҳкамаси янги саноат кластери – «Қоракўл» Эркин иқтисодий зонасини тузиш ҳақидаги қарори қабул қилди, хусусан MTO мажмуаси ана шу саноат кластерининг ўзаги бўлади.
- Шу ойда John Wood Goup инжиниринг компаниясининг Италиядаги бўлинмаси билн объектни деталли лойиҳалаш ва харидлар режасини амалга ошириш тўғрисида шартнома имзоланди.
- Сентябрь ойида Қоракўл, Жондор ва Олот туманларида лойиҳанинг атроф-муҳитга ва ижтимоий шароитга таъсири тўғрисида жамоатчилик эшитув-кенгашлари ўтказилиб, фуқароларга ўз фикр-мулоҳазаларини билдириш имкони берилди ва аҳоли нуқтаи-назари ўрганилди.
MTO (Methanol To Olefin) инновацион технологияси 1,3 млрд м3 СанЕГ тасарруфидаги конлардан келтириладиган Ўзбекистон учун спецефик ҳисобланган, таркибида қимматли компонентлар миқдори паст бўлган, табиий газни қайта ишлаш имконини беради.
Таъкидлаш жоизки, MTO Газ-кимё мажмуасида мултипликатив иш услуби самараси ўлароқ 2 000 дан кўп очиқ иш ўрни ҳамда 10 000 дан зиёд ўриндош ишчи ўрни яратилади. Лойиҳа Бухоронинг ишлаб чиқариш, ижтимоий, ишбилармонлик, логистика, транспорт соҳаси ва бошқа инфратузилмавий йўналишларда регионал миқёсда тараққий этиши учун хизмат қилади ҳамда нафақат Ўзбекистон, балки бутун Марказий Осиёда газ-кимё саноатининг янги марказига айланади.
Маълумот шериклик ҳуқуқи асосида тайёрланди
Изоҳ (0)