Тошкент вилоятида ИИББ томонидан ҳамкорликдаги ташкилотлар билан «Зарбдор» махсус тезкор-профилактика ойлиги ўтказилмоқда. Жумладан, тадбирнинг ўтган даври мобайнида гиёҳвандлик йўналиши бўйича жами 135 та жиноят фош этилиб, натижада 100 га яқин шахс ушланган ва улардан 70 килограмм 551 грамм гиёҳвандлик воситаси олинган.
Йил бошидан эса гиёҳвандликка чек қўйиш борасида 1 186 ҳолат фош этилиб, мингдан ортиқ шахс жавобгарликка тортилди. Улар ва уларнинг яшаш хонадонларидан жами 310 килограмм турли хил ва кўринишдаги гиёҳвандлик воситалари аниқланиб, муомалага киритилишининг олди олинган.
Хусусан, «Зарбдор»ойлиги доирасида 14 ноябрь куни Пискент тумани ИИБ ходимлари томонидан «Баҳор» боғдорчилик-узумчилик ширкати 6-кўчасида яшовчи фуқаронинг яшаш хонадони холислар иштирокида кўздан кечирилган.
Тадбирда хонадонга қуритиш мақсадида сақланаётган, вазни 17 килограмм 250 грамм бўлган марихуана гиёҳвандлик моддаси борлиги аниқланиб, далилий ашё сифатида ҳужжатлаштирилиб олинди. Ҳозирда мазкур ҳолат ва бошқалари юзасидан тезкор суриштирув ишлари олиб борилмоқда.
Изоҳ (0)