Алатун—Негуз темир йўл бекатлари оралиғидаги кўприкда модернизация ишлари олиб борилиши юзасидан қатор йўловчи поездлар ҳаракати бекор қилинади ва поездлар ҳаракати жадвалига ўзгартиришлар киритилади.
Маълум қилинишича, 21 ва 25 ноябрь кунлари икки рейсга 760-сонли Тошкент—Қарши «Афросиёб» юқори тезликда ҳаракатланувчи электропоезди Тошкент бекатидан Самарқанд бекатигача амалдаги жадвал асосида ва 2022 йилнинг 21 ва 25 ноябрь кунлари икки рейсга 759-сонли Қарши—Тошкент «Афросиёб» юқори тезликда ҳаракатланувчи электропоезди Самарқанд бекатидан Тошкент бекатигача амалдаги жадвал асосида ҳаракатланади (Қарши вокзалигача ҳаракатланмайди).
25 ноябрь куни 780/779-сонли Тошкент—Қарши—Тошкент «Афросиёб» юқори тезликда ҳаракатланувчи электропоезди бир рейсга қатнови тўхтатилади.
25 ноябрь куни 4-сонли Тошкент—Қарши поезди Тошкент бекатидан бир рейсга, 26 ноябрь куни 3-сонли Қарши—Тошкент поезди Қарши бекатидан бир рейсга қатнови тўхтатилади.
24—25 ноябрь куни 80-сонли Тошкент—Термиз поезди Тошкент бекатидан икки рейсга, 25—26 ноябрь куни 79-сонли Термиз—Тошкент поезди Термиз бекатидан икки рейсга қатнови тўхтатилади.
Изоҳ (0)