Ажойиб таъмга эга ва саломатлик учун ниҳоятда фойдали бўлган энг қадимий ичимликлардан бири доимо шифокорларнинг диққат марказида. Бир вақтлар Гиппократ ва Абу Али ибн Сино томонидан фойдаланилган. Энди у ҳамма учун тавсия этилади. Айтганча, бу чой вазн камаятиришни истаганлар учун ҳам фойдали, деб ёзади «Учителская газета».
Мойчечак чойи қора ва кўк чойга муносиб альтернатив сифатида ичилиши мумкин, чунки у ҳеч қандай кофеинни ўз ичига олмайди. Бундан ташқари, бирозгина ширин таъми ичимликка ўзига хос маза беради.
Мутахассислар унинг тез ухлаб қолишга ёрдам берувчи ва уйқу сифатини яхшилайдиган тинчлантирувчи хусусиятларини ҳисобга олиб, кечқурунлари мойчечак барглари ва гуллари дамламасидан ичишни тавсия қилади.
Мойчечак гуллари таркибидаги антиоксидантлар саратон ва юрак касалликларини ўз ичига олган кўплаб хавфли патологияларни ривожланиш хавфини камайтиради. Ичимлик C витаминининг юқори концентрацияси туфайли шамоллашнинг олдини олиш учун ичилади.
Мойчечак чойи фойдали хусусиятлари туфайли томоқдаги оғриқни енгиллаштиришга ёрдам беради, балғам кўчишини осонлаштиради. Бу ичимлик, айниқса, куз-қиш ойларида, мавсумий касалликлар ва депрессив ҳолатларнинг кучайиши вақти келганда янада самаралидир.
Ҳафтада бир неча стакан хушбўй мойчечак чойини ичиш кўплаб касалликларга ва тушкун кайфиятга қарши курашда ёрдам беради ва ҳаётий фаолликни оширади. Бир чой қошиқ асал ёки бир жуфт лимон бўлаги ичимликнинг таъсирини кучайтиради. Мойчечак таркибидаги табиий антиоксидант апигенин антиспазмодик таъсирга эга бўлиб, бу ошқозон оғриғи ва метеоризмни енгиллаштиради.
Дам олиш кунларида тунги зиёфатлардан сўнг нохуш оқибатларни бартараф этиш учун мойчечак чойига муқобил ичимликни топиш қийин, чунки организм турли хил ёғли овқатлар ва спиртли ичимликларнинг оммавий ҳужумига дучор бўлади. Бу, айниқса, Янги йил байрамлари арафасига тўғри келади.
Мойчечак чойининг яна бир муҳим афзаллиги бор: у вазн йўқотишга ёрдам беради. Аммо озиқ-овқат чекловлари ва жисмоний фаолият ҳам бекор қилинмаслиги керак.
Изоҳ (0)