Ajoyib ta’mga ega va salomatlik uchun nihoyatda foydali bo‘lgan eng qadimiy ichimliklardan biri doimo shifokorlarning diqqat markazida. Bir vaqtlar Gippokrat va Abu Ali ibn Sino tomonidan foydalanilgan. Endi u hamma uchun tavsiya etiladi. Aytgancha, bu choy vazn kamayatirishni istaganlar uchun ham foydali, deb yozadi “Uchitelskaya gazeta”.
Moychechak choyi qora va ko‘k choyga munosib alternativ sifatida ichilishi mumkin, chunki u hech qanday kofeinni o‘z ichiga olmaydi. Bundan tashqari, birozgina shirin ta’mi ichimlikka o‘ziga xos maza beradi.
Mutaxassislar uning tez uxlab qolishga yordam beruvchi va uyqu sifatini yaxshilaydigan tinchlantiruvchi xususiyatlarini hisobga olib, kechqurunlari moychechak barglari va gullari damlamasidan ichishni tavsiya qiladi.
Moychechak gullari tarkibidagi antioksidantlar saraton va yurak kasalliklarini o‘z ichiga olgan ko‘plab xavfli patologiyalarni rivojlanish xavfini kamaytiradi. Ichimlik C vitaminining yuqori konsentratsiyasi tufayli shamollashning oldini olish uchun ichiladi.
Moychechak choyi foydali xususiyatlari tufayli tomoqdagi og‘riqni yengillashtirishga yordam beradi, balg‘am ko‘chishini osonlashtiradi. Bu ichimlik, ayniqsa, kuz-qish oylarida, mavsumiy kasalliklar va depressiv holatlarning kuchayishi vaqti kelganda yanada samaralidir.
Haftada bir necha stakan xushbo‘y moychechak choyini ichish ko‘plab kasalliklarga va tushkun kayfiyatga qarshi kurashda yordam beradi va hayotiy faollikni oshiradi. Bir choy qoshiq asal yoki bir juft limon bo‘lagi ichimlikning ta’sirini kuchaytiradi. Moychechak tarkibidagi tabiiy antioksidant apigenin antispazmodik ta’sirga ega bo‘lib, bu oshqozon og‘rig‘i va meteorizmni yengillashtiradi.
Dam olish kunlarida tungi ziyofatlardan so‘ng noxush oqibatlarni bartaraf etish uchun moychechak choyiga muqobil ichimlikni topish qiyin, chunki organizm turli xil yog‘li ovqatlar va spirtli ichimliklarning ommaviy hujumiga duchor bo‘ladi. Bu, ayniqsa, Yangi yil bayramlari arafasiga to‘g‘ri keladi.
Moychechak choyining yana bir muhim afzalligi bor: u vazn yo‘qotishga yordam beradi. Ammo oziq-ovqat cheklovlari va jismoniy faoliyat ham bekor qilinmasligi kerak.
Izoh (0)