АҚШнинг собиқ раҳбари Дональд Трамп мамлакат президентлигига ўз номзодини кўрсатиш учун ариза топширди. Амалдаги президент Жо Байден эса бунга муносабат билдирди.
Twitter’га жойланган видеода Жо Байден ўзидан олдинги президентнинг сиёсатини эслади. Видеонинг остида «Дональд Трамп Американи мағлуб этди», дея ёзилган. Бундан ташқари Байден бир вақтнинг ўзида Трампнинг бир нечта «ютуқлари»ни алоҳида санаб ўтди. Улар қаторидан бойлар учун солиқ имтиёзи, рекорд даражадаги ишсизлик, бандлик бўйича энг ёмон кўрсаткич жой олди. Шунингдек, Трамп намойишларни қўзғатгани ва 23 миллион америкаликни тиббий суғуртасиз қолдириши мумкинлигини айтилди.
Бундан ташқари, Байден Трамп ўз лавозимига киришганида энг кам иш ўринлари билан Оқ уйни тарк этган ягона президент эканини маълум қилди. Трамп маъмурияти даврида ишсизлик энг паст даража – 3,5 фоизга тушиб кетган. Бироқ кўрсаткич фақат меҳнатга лаёқатли ёшдаги одамларни қамраб олади. Шуни таъкидлаш жоизки, пандемия бошланганидан бери ишсизлик кескин ошди.
Маълумот ўрнида, АҚШда президентлик сайловлари 2024 йил ноябрида бўлиб ўтади. Дональд Трамп 2017- йилнинг 20 январидан 2021 йилнинг 20 январигача АҚШнинг 45-президенти бўлган.
Трамп 2024 йилги президентлик сайловларида ғалаба қозонса, мамлакатдаги сайлов тизимини ўзгартиришга ваъда берди, деб ёзмоқда CNBC.
Изоҳ (0)