AQSHning sobiq rahbari Donald Tramp mamlakat prezidentligiga o‘z nomzodini ko‘rsatish uchun ariza topshirdi. Amaldagi prezident Jo Bayden esa bunga munosabat bildirdi.
Twitter’ga joylangan videoda Jo Bayden o‘zidan oldingi prezidentning siyosatini esladi. Videoning ostida “Donald Tramp Amerikani mag‘lub etdi”, deya yozilgan. Bundan tashqari Bayden bir vaqtning o‘zida Trampning bir nechta “yutuqlari”ni alohida sanab o‘tdi. Ular qatoridan boylar uchun soliq imtiyozi, rekord darajadagi ishsizlik, bandlik bo‘yicha eng yomon ko'rsatkich joy oldi. Shuningdek, Tramp namoyishlarni qo‘zg‘atgani va 23 million amerikalikni tibbiy sug‘urtasiz qoldirishi mumkinligini aytildi.
Bundan tashqari, Bayden Tramp o‘z lavozimiga kirishganida eng kam ish o‘rinlari bilan Oq uyni tark etgan yagona prezident ekanini ma‘lum qildi. Tramp ma’muriyati davrida ishsizlik eng past daraja – 3,5 foizga tushib ketgan. Biroq ko‘rsatkich faqat mehnatga layoqatli yoshdagi odamlarni qamrab oladi. Shuni ta’kidlash joizki, pandemiya boshlanganidan beri ishsizlik keskin oshdi.
Ma’lumot o‘rnida, AQSHda prezidentlik saylovlari 2024-yil noyabrida bo‘lib o‘tadi. Donald Tramp 2017- yilning 20-yanvaridan 2021-yilning 20-yanvarigacha AQShning 45-prezidenti bo‘lgan.
Tramp 2024-yilgi prezidentlik saylovlarida g‘alaba qozonsa, mamlakatdagi saylov tizimini o‘zgartirishga va’da berdi, deb yozmoqda CNBC.
Izoh (0)