19 ноябрда муддати тугагач, Россия дон шартномасини узайтиришга рози бўлиши мумкин. Бу ҳақда Bloomberg агентлиги вазиятдан хабардор тўрт кишига таяниб хабар бермоқда.
Агентлик суҳбатдошлари Россия келишув муддатини узайтириш ёки бошқа тафсилотлар эвазига ўзи учун қулай бўлган янги шартларни излайдими ёки йўқлигини аниқламаган.
Истанбулдаги Қўшма марказ вакили Bloomberg’га маълум қилишича, бу босқичда тасдиқлайдиган ёки эълон қиладиган ҳеч нарса йўқ.
22 июль куни Россия, Украина, Туркия ва БМТ ўртасида ғалла бўйича келишув имзоланган эди.
Унинг муддати 19 ноябрда тугайди, лекин томонлардан ҳеч бири уни бекор қилмаса, шартнома автоматик равишда 120 кунга узайтирилади. Барча томонлар келишувни узайтиришдан манфаатдор.
Россия учун келишувни узайтиришнинг муҳим шарти Европа портларида блокланган рус ўғитларига нисбатан санкцияларни бекор қилишдир.
Мавзуга доир:
Изоҳ (0)