Илон Маск Twitter’нинг 4 400 нафар ходимини огоҳлантиришсиз ишдан бўшатгани аниқланди

Маск Twitter ходимларининг деярли 50 фоизини ишдан бўшатгандан сўнг, компания яна бир қанча ишчи ўрнини қисқартирди. Бу ҳақда CNBC хабар бермоқда.

Бироқ бу сафар тўлиқ кунлик ишчи кучи ўрнига шартнома бўйича ишчилар лавозимидан айрилган.

Ҳисоботга кўра, Twitter ўтган ҳафта охирида тахминан 4 400 нафар шартнома бўйича ишлайдиган ходимларини ишдан бўшатган.

Ижтимоий медиа платформасининг 5 500 нафар шартнома бўйича ишлайдиган ходимларидан 4 400 нафари ўзининг иш логинига кириш ҳуқуқидан маҳрум бўлганидан кейин ишдан бўшатилганидан хабар топган.

Twitter номидан гапириш ҳуқуқига эга бўлмагани учун исм-шарифини ошкор қилишни истамаган ходимлар, улар ҳамкорлик қилаётган пудратчилар бўшатилишидан олдин ички огоҳлантириш олмаганини билдирган.

Шунингдек, ҳисоботга кўра, Twitter ўзининг умумий ички алоқа гуруҳини ҳам ишдан бўшатган.

Ушбу бўшатишлар Twitter фойдасига амалга оширилмоқда, чунки компания ҳар куни катта йўқотишларга дучор бўлмоқда.

Аввалроқ Twitter Ҳиндистондаги ходимларининг 90 фоиздан ортиғини ишдан бўшатгани ҳақида хабар берилганди.