Банан ва печеньелар қўшиб тайёрланадиган мазали, кремли ширинлик — трайфл нонушта учун яхши танлов бўла олади. Унга ўзингизга ёққан бошқа меваларни қўшишингиз ҳам мумкин. Трайфлга қўшиладиган маҳсулотларнинг кўп қисмини уйда тайёрламасдан дўконлардан сотиб олса бўлади.
Керакли масаллиқлар:
- маккажўхори крахмали — 3 қошиқ
- шакар — 120 г
- туз — 1 чимдим
- тухум — 2 дона
- сут — 500 мл
- ванилин — 1 қошиқ
- 33 фоиз ёғли қаймоқ — 500 г
- қуюлтирилган сут — 3-4 қошиқ
- оддий печеньелар — 350 гр
- банан — 4 дона
- Маккажўхори крахмали, шакар, туз ва тухумни яхшилаб аралаштиринг. Сутни қайнатинг.
- Тухумнинг устига иссиқ сутни қуйинг ва аралашмани қайнатинг. Қайнатаётганда аралаштириб туринг ва 3-4 дақиқа давомида пиширинг.
- Кремга ванилин қўшиб аралаштиринг ва устини плёнка билан ёпинг. Уни совутиб олинг ва 3-4 соат давомида музлатгичга қўйинг.
- Музлатгичда турган қаймоқни миксер билан кўпиртиринг ва қуюлтирилган сутни қўшиб аралаштиринг.
- Қуюлтирилган сутли кремни аста-секинлик билан қаймоққа солинг. Печеньеларни майдаланг. Бананларни тўғраб олинг.
- Стаканларга бир қатламда печенье солинг, устига қалин крем қатламини қуйинг, ичига банан бўлакларини ботиринг. Трайфлнинг устига майдаланган печеньеларни сепиб, 2-3 соат давомида музлатгичга қўйинг.
Мавзуга доир:
Изоҳ (0)