Куз фасли бошланиши билан болалар яна мактабга ва тўгаракларга боришади. Бундай ҳолатда бутун дунёдаги оналарни ўйлантирадиган саволлар бор: боланинг кун давомида фаол ва яхши кайфиятда бўлишига қандай ёрдам бериш керак? Қўл билан ейиш мумкин бўлган мазали ва фойдали таомни қандай тайёрлаш мумкин? Бу масаланинг ечими бор, Wday нашри фарзандингиз ўзи билан мактабга олиб бориши мумкин бўлган таомлар рўйхатини тақдим этди.
Лавашли ролл
Лавашли ролл мазали, фойдали, осон тайёрланадиган егулик ҳисобланади. Оддий арман лавашини товуқ гўшти, индейка, бодринг, қаттиқ пишлоқ, помидор ва салат ва бошқа масаллиқлардан — ҳамма маҳсулотларни болангизнинг таъбига қараб тайёрлашингиз мумкин. Егуликнинг янада мазали бўлиши учун соус сифатида сметана ёки турли хил зираворларни ишлатишингиз мумкин.
Мевалардан тайёрланган чипслар (қуритилган мевалар)
Бу егулик фарзандини мева ейишга кўндира олмайдиган оналар томонидан қўлланилади. Фарзандингиз олмани эмас, олма чипсларини ейиши мумкин.
Меваларни ингичка бўлакларга кесиб олинг ва пергамент қоғозига қўйинг. Шундан кейин уларни листга қўйиб 200 даража ҳароратда олдиндан қиздирилган печга қўйинг. Энг муҳими, меваларни диққат билан кузатиб бориш, улар турли хил вақтларда пиширилади. Олма ва нок 30 дақиқада, бироқ банан 1,5 соатда қурийди.
Творожники
Ҳамма севган пишириқлар — творожникиларни нафақат нонуштага тайёрлаш, балки фарзандларингиз мактабга олиб бориши мумкин. Ширинликлар совиб қолса ҳам мазали бўлади ва уларни қўл билан истеъмол қилиш мумкин.
Мукаммал творожникиларни тайёрлаш учун: 200 г творог, бир қошиқ шакар, битта тухум, 2-3 ош қошиқ ун керак бўлади. Барча маҳсулотларни яхшилаб аралаштиринг ва тўпчалар ҳосил қилинг. Товага бир оз кунгабоқар ёғини қуйинг ва паст оловда егуликларни қовуринг. Агар истасангиз творог массасига икки қошиқ маккажўхори унини қўшишингиз мумкин ва улар янада мазали бўлиб чиқади.
Донли батонлар
Уйда тайёрланган мюссли ёки донли батонлар мактабда тез овқатланиш учун ажойиб имконият ҳисобланади. Чуқур идишда маккажўхори уни, қуритилган меваларни (майиз, қуритилган ўрик, олхўри) ва кунгабоқар, қовоқ писталарини аралаштиринг. Қуруқ маҳсулотларга бир неча ош қошиқ асал қўшинг, шунда улар бир-бирига яхшироқ ёпишади. Кейин массани листга тенг равишда тақсимланг ва 1-1,5 см кенгликдаги бўлакларга кесиб олинг. Донли батонларни иситилган печга 15-20 дақиқага қўйинг.
Бутерброд
Бутерброд дунёдаги энг оддий ва осон тайёрланадиган таомга ўхшайди. Егулик учун дондан тайёрланган нонни ёки жавдар нонини танлаган маъқул, у клечаткага бой ва оқ нонга қараганда камроқ шакарни ўз ичига олади. Бутерброднинг ичига товуқ филеси, сабзавот, салат, қаттиқ пишлоқ ёки ҳатто мевалар (масалан, банан) ни ҳам ишлатишингиз мумкин.
Пишлоқли иссиқ сендвич
Пишлоқли иссиқ сендвични тайёрлаш жавдар нонни учбурчак шаклида кесиб олинг ва ичига икки бўлак яхши эрийдиган пишлоқни қўйинг. Сендвични 5-10 дақиқа давомида печга қўйинг.
Ёнғоқ пастасидан тайёрланадиган сендвич
Биринчи навбатда донли нон бўлакларини тостер ёки печда енгил қарсиллагунча қуритинг. Кейин эса уларнинг устига ерёнғоқ пастасини суртинг. Буни ўзингиз қилишингиз мумкин.
Ёнғоқли пастани тайёрлаш учун ёнғоқни пўстлоғидан тозаланг, бир чой қошиқ шакар, озгина кунгабоқар ёғи қўшинг ва бир хил масса ҳосил бўлгунча ҳамма нарсани блендерда аралаштиринг. Шунингдек, пастани дўкондан сотиб олишингиз мумкин, бу ерда таркибига алоҳида эътибор бериш керак: унда шакар ёки бошқа қўшимчалар (масалан, какао ёки шоколад) бўлмаслиги керак.
Маккажўхори унидан тайёрланадиган ширинлик
Маккажўхори уни қўшиб тайёрланадиган ширинликни уйда пиширишингиз ёки таркибини ўрганган ҳолда дўкондан сотиб олишингиз мумкин. Пишириқни тайёрлаш учун 100 г сариёғ, 150 г сметана, битта тухум, бир стакан шакар, бир қошиқ асал ва 200 г маккажўхори унини аралаштирамиз. Бу маҳсулотларга 200 г буғдой уни ва ярим чой қошиқ содани ҳам қўшинг. Олинган массадан тўпчаларни ҳосил қилинг ва печга 10-15 дақиқага қўйинг.
Творогли печенье
Творогли печеньеларни тайёрлаш учун 250 г творог, 100 г сариёғ, 250 г ун ва 10 г пишириш кукуни керак бўлади. Маҳсулотларни аралаштириб хамир қилинг. Уни 0,5 см қалинликда ёйиб, стакан ёрдамида доира шаклидаги хамир бўлакларини ҳосил қилинг. Ликопчага шакар солинг ва кесилган доирани бир томонга айлантиринг. Хамирнинг шакарга буркалган қисмини ичкарига қаратиб иккига бўлинг ва ярим доиранинг бир томонини яна ўранг ва яна ярмига шакар солинг. Ширинликни печда 20-25 дақиқа давомида пиширинг ва бу печеньеларни фарзандингиз мактабда истеъмол қилиши мумкин.
Йогурт
Фарзандингиз бир дақиқа ҳам ўтиролмайдиган, ҳаракатчан бўлса унга трубочка ёрдамида ичиш мумкин бўлган йогуртларни беринг. Йогуртни фарзандингизнинг рюкзагига солиб қўйинг, у ичимликни йўлда ҳам ичиши мумкин.
Мавзуга доир:
Изоҳ (0)