Пишлоқни шакар билан, авокадони пиёз билан: озиқ-овқат маҳсулотларини сақлаш бўйича ғайриоддий лайфхаклар (фото)

Кўпинча дўконга рўйхат билан борилса-да, керагидан ортиқча харид қилинади. Уйга қайтгач, уларни кўпроқ вақт давомида яхши ҳолатда сақлаш керак, акс ҳолда улар яроқсиз ҳолга келиши мумкин. Лекин ҳар доим ҳамма нарса имкон қадар узоқ вақт давомида сақланиши учун энг мос шароитларни яратишга ҳаракат қилиш мумкин. AdMe нашри озиқ-овқат маҳсулотларини сақлаш бўйича кўпчилик учун ғалати туйилиши мумкин бўлган лайфхаклар билан бўлишди.

Пишлоқ шакар қанд бўлаклари билан бирга идишда узоқ вақт давомида яхши сақланади. Чунки шакар бўлаклари пишлоқдаги намликни  олади. Агар улар эриган бўлса, янгисига алмаштириш мумкин. Шунингдек, пишлоқларни пергамент қоғозга ҳам ўраб қўйиш мумкин, бу усул ҳам пишлоққа ҳаво киришига ва ортиқча намликни ўзига олмаслигига ёрдам беради.

Қовоқчани сотиб олингандан сўнг дарҳол ювмаслик керак, буни фақат пиширишдан олдин амалга оширган яхши. Унгача қовоқчаларни қуруқ ҳолда сақлаш мумкин.

Печеньелар ҳаво ўтказмайдиган идишда сақланса, узоқ вақт давомида ҳам юмшаб қолмайди.

Кўкатларни янгидек сақлаш учун уларни тўғридан-тўғри музлаткичда, сувли идишда сақлаш тавсия этилади. Бундан ташқари, унинг юзасини қопқоқ билан ёпиш мумкин. Яна бир усул — кўкатларни нам қоғоз сочиқларга бир қатламда ёйиб, музлаткичга қўйилади.

Очилган консерва маҳсулотларини музлаткичга қўйиш тавсия этилмайди. Яхшиси, уни ёпиладиган бошқа идишга ўтказиш ва музлаткичга қўйиш керак. Ёки консерва идишини силикон қопқоқлар билан ёпиш кифоя.

Ҳали пишмаган помидорларнинг пўчоғини пастга қараб қўйиш ва хона ҳароратида сақлаш керак.

Агар бананлар илгакка ёки ипга осиб қўйилса, банан узоқроқ сариқ рангда қолади. Ушбу ҳолатда банан таркибидаги пишишни тезлаштирадиган этилен гази секинроқ ҳаракат қилади.

Тўғралган бодринг кўп бўлса, уларни сувли идишга солиб, музлаткичга қўйиш тавсия этилади. Натижада улар узоқ вақт давомида янгидек сақланади.

Кесилган авакадони бир неча кун давомида янги сақлаш учун уни музлаткичда пиёз бўлаги билан бир идишда сақлаш мумкин.

Лимонни музлаткичда қадоқланган пластик пакетда сақлаш мумкин.

Қулупнай аввал оқ сирка ва сувнинг 1:3 нисбатидаги эритмасига бироз муддатга намланса, узоқ вақт давомида ўзининг янги ҳолатини сақлаб қолади. Аммо ювилган қулупнайлар яхшилаб қуритилиши лозим, сўнгра музлаткичга қўйилади.

Янги қўзиқоринларни музлаткичда қоғоз халтада сақлаш лозим. Қолаверса, намликни камроқ тўплаши учун халтанинг тагига қоғоз сочиқ қўйиш мумкин.