Сочларни парваришлаш ва турмаклашда кўплаб аёллар хатога йўл қўяди. Сочни қуритиш, турмаклаш, ювиш жараёнларида ҳам маълум бир камчиликларга йўл қўйиш сочларнинг жилокорлигига ва кўринишига таъсир кўрсатиши мумкин. AdMe нашри сартарошлар сочларда синаб кўрмайдиган ва маслаҳат бермайдиган ҳолатлар ҳақида маълумот берди.

Сочларингизни юваётган вақтда ишқаламанг

Сочингизни юваётганда, унга жуда эҳтиёткор бўлишингиз керак. Ҳар қандай ҳолатда ҳам уларни ишқаламаслигингиз керак. Бошни тўғри ювиш техникасида шампунни массаж ҳаракатлари билан қўллаш керак, сўнгра уни сув билан ювиб ташланг, қўлларингизни ва бармоқларингизни бош териси ва сочлар орасига ўтказинг.

Сочингизни бир марта ювманг

Сочингизни икки марта ювишингиз керак, чунки фақат бу ҳолатда сиз ҳақиқатан ҳам тоза сочларга эришишингиз мумкин. Гап шундаки, биринчи ювиш ёғ ва кир қатламини йўқ қилади, иккинчиси эса уларни бутунлай ювади. Бундан ташқари, сочларни икки марта ювиш уларнинг узоқроқ тоза бўлиб туришига хизмат қилади, бу ҳолатда сиз сочларингизни ҳар куни ювишингиз шарт эмас.

Ниқобларни эътиборсиз қолдирманг

Сочларга қилинадиган турли хил манипуляциялар туфайли, дазмол қилишдан сочларни бўяшгача, қўшимча озиқлантиришсиз табиий жилокорликни ва силлиқлигини сақлаб қолиш қийин. Шунинг учун соч ниқобларини эътиборсиз қолдирмаслик жуда муҳим. Стилистлар ниқобларнинг кондиционерларга қараганда анча самарали эканлигига ишонади, чунки улар соч толаларига яхши сўрилади ва уларни тиклайди.

Нам сочларга турмаклаш воситаларини ишлатманг

Иссиқ турмаклаш воситаларини нам сочларга қўллаш орқали биз уларни «қовурамиз». Ҳатто бутунлай қуруқ сочлар ҳам микроскопик ёриқлар билан қопланиб, юқори ҳарорат таъсиридан зарарланади. Бироқ нам сочлар жуда мўрт бўлиб, доимий равишда иссиқ турмаклаш воситалари билан дазмол қилинганда жуда тез мўрт, ранги хиралашиб ва учлари бўлиниб қолади.

Сочни ҳар куни бир хил жойда резинка билан боғламанг

Сочларни йиғиб қўйиш ёки резинка билан боғлаш, биз одатда резинкани ҳар доим бир жойда маҳкамлашимизга эътибор бермаймиз. Бироқ бу одат сочларга салбий таъсир кўрсатади, уларни мўрт қилади. Бунга йўл қўймаслик учун соч турмагини тез-тез ўзгартиришингиз керак, шунда сочларнинг баъзи қисмлари дам олади, бошқалари эса боғланади.

Сочингизни кир тароқ билан тараманг

Сўнгги дақиқага қадар тароқ жуда кир эканлигини сезмаслигингиз мумкин, бироқ бу унинг бош терисига салбий таъсир кўрсатади. Чанг, ёғ, тери зарралари, қолдиқлар унинг устига тўпланади ва буларнинг барчаси бактерияларнинг кўпайиши учун ажойиб муҳит бўлади. Бу эса ўз навбатида, қазғоқ ва бошқа муаммоларни келтириб чиқариши мумкин.

Соч дазмолларни ҳафтасига икки мартадан ортиқ ишлатманг

Юқорида айтиб ўтилганидек, иссиқ асбобларнинг сочларга таъсири ҳар қандай ҳолатда ҳам зарарли. Шунинг учун, сочларнинг соғломлиги учун дазмол ва бошқа турмаклаш воситаларидан тез-тез фойдаланмаслигингиз керак: ҳафтада бир неча марта дазмол қилиш тавсия этилган максимал миқдор ҳисобланади. Бу фақат термал ҳимоя воситаларидан фойдаланган ҳолда амалга оширилиши керак.

Сочингизни сочиқ билан артманг

Сочингизга бирор нарса қилганда, бу қимматбаҳо тўқималарнинг бир тури эканлигини унутмаслигингиз керак. Ипак блузкани сотиб олаётганда, уни қолган кийимлар билан кир ювиш машинасига ташламаймиз, балки нозик ювиш режимини танлаймиз. Шундай қилиб, агар сочларингизнинг соғлом, жилокор ва силлиқ кўришни истасангиз, уларни сочиқ артманг. Ювиб бўлгандан кейин сочларни зарарсиз қуритиш учун бармоқларингиз билан толалардаги намликни эҳтиёткорлик билан сиқиб, сочларни с0чиқ билан секин-секин артишингиз керак, лекин ишқаламанг.

Сочингизни тез-тез таранг тортманг

Қаттиқ тортиб турадиган соч турмакларини ёқтириш шунингдек, тасмалар ва резинкалардан фойдаланиш бош терисида стрессга, илдизларнинг заифлашишига ва кейинчалик соч тўкилишига олиб келади. Агар шу каби соч турмагини тез-тез танласангиз, бу фикрни ёдда тутинг. Бундан ташқари, сочлар учун камроқ зарарли бўлган, тўғри танланган резинкалардан фойдаланган маъқул.

Ҳимоя воситаларини қўлламасдан нам сочларни тараманг

Сочларни доимий тараш илдиз жойида қон айланишнинг яхшиланишига ва сочларнинг тез ўсишига ёрдам беради. Бироқ, максимал фойдали бўлиши ва зарар келтирмаслик учун буни тўғри бажариш муҳимдир. Толалар нам ҳолатда шишади ва мўртроқ бўлади, шунинг учун умуман душдан кейин сочни тараш тавсия этилмайди. Сочингизни қуритинг, сўнгра силлиқлаш ва тараш учун ҳимоя воситаларини қўлланг.

Соч қуритиш фенини сочларга жуда яқин тутманг

Шошилинч равишда, тез қуритиш учун соч қуритиш фенини сочларга яқинлаштириш васвасаси бўлади, бироқ бу ишни бажариш тавсия этилмайди. Бу қуритиш жараёнини тезлаштиришга ёрдам беради, бироқ сабрсизликнинг нархи шикастланган сочлар ва, эҳтимол, ҳатто бош териси бўлиши мумкин. Бунга йўл қўймаслик учун сочларини фен билан 30 см масофада сақлашга ҳаракат қилиш тавсия этилади.

Сочни ўсиш йўналишига қарши қуритманг

Сочингизни фен билан қуритишни илдизлардан бошлаш ва соч ўсиши йўналиши бўйича учларигача қуритган  маъқул. Қарама-қарши йўналишда қуритганингизда, бурмалар ҳосил бўлади ва умуман олганда, сочларга жонсиз кўриниш бериш хавфи мавжуд.

Нам сочларни сочиқ билан ўраманг

Унча хавфли кўринмайдиган бу одат сочларингизга сиз ўйлагандан кўра кўпроқ зарар келтиради. Гап шундаки, сочиқ ҳўл бўлганда, илдизларни жуда кучли тортиб, уларни заифлаштиради ва сочни мўрт қилади. Махсус кичик сочиқлар яхшироқ, чунки улар унчалик оғир эмас. Бироқ, бу ҳам иллюзия, чунки уларни янада қаттиқроқ сиқиш одатий ҳол, бу ҳам худди шу муаммога олиб келади.

Мавзуга доир:

• Соч тўкилиши (алопеция): даволаш ва профилактика Халқаро стилист-сартарошлар уюшмасидан маслаҳатлар.
• Соч тўкилишининг асосий сабаблари: қачон трихологга мурожаат қилиш керак?
• Соч тўкилишига қарши курашда ёрдам берадиган 6 та маҳсулот.
• Органикми ёки одатий? Соч бўёғи ҳақида билиб қўйиш керак бўлган маълумотлар.