МИБ Наманган шаҳар бўлимида таркибида психотроп моддалар бўлган дори воситалари йўқ қилинди. Бу ҳақда «Дарё» мухбири Азизбек Абдувалиев хабар бермоқда.
Наманганда бир гуруҳ шахслар яширин йўллар орқали жами 1239 дона кучли таъсир этувчи «Тропикамид» дори воситасини олиб ўтишга уринган пайт ушланганди. Улардан ашёвий далил сифатида олинган 61 миллион сўмлик дори воситалари таркибида психотроп моддалар бор деб топилди.
Суд ҳукми билан айбланувчиларга тегишли жазо тайинланган ва ашёвий далил сифатида олинган маҳсулотларни йўқ қилиш белгиланган эди. МИБ ходимлари томонидан дори воситалари ёқиб юборилди ва шу тариқа суд ҳужжатининг ижроси якунланди.
Мавзуга доир: Наманганда ноқонуний олиб кирилган 541 млн сўмлик дори воситалари ёқиб юборилди
Изоҳ (0)