Иқлим фаоллари Колизей йўлини эгаллаб, Рим марказидаги транспорт ҳаракатини тўсиб қўйишга ҳаракат қилди, деб хабар беради Corriere della Sera газетаси.
Янги нефть ва газ конларини ўзлаштиришга қарши чиққан бир гуруҳ ёшлар яна бир бор автомобиль эгаларининг ғазабини қўзғатди. Экологик шиор ёзилган баннерни кўтарган беш киши оддий фуқароларнинг ҳақорат ва таҳдидларига қарамай, қатнов қисмини тарк этишдан бош тортди. Воқеа жойига икки полиция патрули етиб келиб, уларнинг ходимлари аввалига фаолларни йўлни тарк этишга кўндиришга уриниб кўрди ва рад жавобидан сўнг эса экофаолларни йўл четига судраб олиб чиқди. Уларнинг бешаласи ҳам полиция бўлимига олиб кетилган.
Бу каби акциялар Римда деярли ҳар куни бўлиб ўтмоқда, бироқ аввалроқ фаоллар шаҳар марказидан ташқаридаги йирик магистралларни, шунингдек, ҳалқа йўлини тўсиб қўйган эди. Бундай қоидабузарликлар учун Италия қонунчилиги тўрт минг еврогача жарима ва шаҳарга киришни тақиқлашни ўз ичига олади. Бу турдаги ҳодисалар учун масъул ташкилот аввалроқ унинг иштирокчилари учун жарима миқдори 50 минг еврогача етиб боргани, бироқ қоидабузарлар жарималарни тўламоқчи эмаслигини маълум қилганди.
Мавзуга доир:
Изоҳ (0)