Буюк Британияда озиқ-овқат фондлари захиралари сўнгги олти ой ичида 320 минг киши ёрдам сўраб мурожаат қилгани ортидан тугамоқда. Бу ҳақда The Independent хабар берди.
Маълум қилинишича, охирги олти ойда янги мурожаатлар сони 2021 йилнинг шу даврига нисбатан 40 фоизга ошган. Журналистлар Британия ҳукуматини Англияда қашшоқликда яшовчи барча болаларни мактабда бепул овқатлантиришга чақирмоқда, сабаби ота-оналар байрам пайтида озиқ-овқат захираларидан тобора кўпроқ ёрдам сўрамоқда. Озиқ-овқат фондлари бу қиш оғир кечишини эълон қилди ва истеъмол захиралари даражаси пасаяётгани ҳақида огоҳлантирди.
Таъкидланишича, мамлакатда 2022 йил мактабда бепул овқатланиш ҳуқуқига эга бўлган болалар сони қарийб 2 миллионга етган.
Россиянинг Украинага ҳужуми бошланганидан сўнг Ғарб Москвага нисбатан санкциялар босимини кучайтирди. Етказиб бериш занжирларининг узилиши Европа ва АҚШда ёқилғи ва озиқ-овқат нархларининг ошишига олиб келди. Буюк Британияда яшаш нархининг ошиши миллионлаб уй хўжаликларига таъсир қилди. Британиядаги ҳайвонот боғида ҳайвонларни узоқ муддатга ухлатиш ҳам режалаштирилди.
Изоҳ (0)