Самарқанд шаҳридаги матбуот марказида ўтказилган брифингда Туризм ва маданий мерос вазирининг маслаҳатчиси Темур Мирзаев ТДТ саммити тадбирлари доирасида амалга оширилган ишлар ҳақида маълумот берди.
Қайд этилишича, Ўзбекистонга ташриф буюрадиган умумий сайёҳларнинг 60 фоизи Туркия, Озарбайжон, Қозоғистон ва Қирғизистон давлатлари ҳиссасига тўғри келади. Шундан 30 фоизи Қозоғистондан ташриф буюрадиган туристлар ҳисобланади.
2018 йил давомида Туркиядан ташриф буюрганлар сайёҳлар сони 41 299 кишини ташкил қилган бўлса, 2019 йилда ушбу кўрсаткич 63 539 кишини ташкил этган. 2020 йилнинг якунига кўра 20 958 Туркия фуқароси ташриф буюрган. 2021 йилда 44 168 та туркиялик туристлар ташриф буюрган. 2022 йилнинг 9 ой давомида 56 792 туркиялик туристлар келган.
Озарбайжондан Ўзбекистонга 2018 йилда 10 465 сайёҳ келган бўлса, 2019 йилда – 12 367 киши келган. 2020 йилда 2 213 нафар, 2021 йилда эса 2 890 сайёҳ ташриф буюрган. 2022 йилнинг сўнгги 9 ойида эса 5 414 киши Ўзбекистонга келган.
Қирғизистондан 2017 йилда Қирғизистондан 366 минг киши келган бўлса, 2018 йилда бу рақам кескин ошган — 1 миллион 56 минг киши. 2019 йилда 1 миллион 454 минг киши, 2020 йилда 1 миллион 454 минг 907, 2021 йилда эса 652 166 нафар сайёҳ келган. 2022 йилнинг 9 ойида эса бу рақам 920 000 кишини ташкил этган.
Изоҳ (0)