Қашқадарё вилоятининг Қарши шаҳридаги 11-мактабда ўқитувчиларга икки ойлик маоши берилмаётгани, ўқитувчилар бундан норози экан хабар берилди. «Дарё» ҳолатга аниқлик киритиш мақсадида вилоят халқ таълими бошқармаси билан боғланди.
Бошқарма бошлиғининг молиявий масалалар бўйича ўринбосари Ориф Умировнинг айтишича, ўқитувчиларнинг маош ололмаслик ҳолати нафақат 11-мактабда, қолаверса шаҳардаги 4, 11, 2, 5, 15, 27 ва 31-мактабларда ҳам бор.
Бу ҳолат ҳисобчиларнинг масъулиятсизлиги боис келиб чиққани маълум бўлди. Муаммо тез орада ечимини топади. Ўқитувчиларга маошлари тўлаб берилади, — дейди масъул.Бу ҳақда блогер Капитан Каримовга мурожаат қилган ўқитувчилардан бири «Кредитимиз бор, уни қандай тўлаймиз? Бир кун кечикса, телефон қилиб пулни сўрашади. Лекин биз ҳалол ишлаган ойлигимизни ололмаймиз. Шахсан мен каникулдан кейин ишламайман», деган.
Мазкур ҳолат «Дарё»нинг ижтимоий тармоқлардаги жонли эфирида эълон қилингач, вилоят халқ таълими бошқармаси ахборот хизмати раҳбари Жавоҳир Рустамов қўшимча маълумот берди.
Бугун Қарши шаҳар халқ таълими бўлими масъуллари томонидан Қарши шаҳридаги умумий ўрта таълим мактабларининг сентябрь ойи иш ҳақлари бартараф этилди ва октябрь ойи иш ҳақи ҳам тез орада тўлаб берилишини маълум қиламиз, — дейди масъуллар.
Изоҳ (0)