Навоийдан Тошкентга сотиш учун олиб кетилаётган нобуд бўлган қорамол гўштлари тўхтатиб қолинди.
Вилоят ИИБ матбуот хизматининг хабар қилишича, 37 ёшли фуқаро нобуд бўлган қорамол гўштларини сотиб даромад қилиш мақсадида уни таксига юклаб, Тошкент шаҳрида таниши кутиб олишини айтиб жўнатган.
Пойтахт томон жўнатилган яроқсиз гўштлар Самарқанд ЙПХ масканида ички ишлар ходимлари томонидан тўхтатиб қолинган.
Гўштларни яроқлилик даражасини текшириш мақсадида вилоят ветеринария ва чорвачиликни ривожлантириш бошқармасига қарашли ташхис марказига олиб борилган.
Лабораториянинг бирламчи текширув натижаларига кўра истеъмолга яроқсиз деб топилган.
Мазвуга доир: Тошкент вилоятида 1 тоннадан ортиқ истеъмолга яроқсиз гўшт сотилишининг олди олинди
Изоҳ (0)