Samarqand shahridagi matbuot markazida o‘tkazilgan brifingda Turizm va madaniy meros vazirining maslahatchisi Temur Mirzayev TDT sammiti tadbirlari doirasida amalga oshirilgan ishlar haqida ma’lumot berdi.
Qayd etilishicha, O‘zbekistonga tashrif buyuradigan umumiy sayyohlarning 60 foizi Turkiya, Ozarbayjon, Qozog‘iston va Qirg‘iziston davlatlari hissasiga to‘g‘ri keladi. Shundan 30 foizi Qozog‘istondan tashrif buyuradigan turistlar hisoblanadi.
2018-yil davomida Turkiyadan tashrif buyurganlar sayyohlar soni 41 299 kishini tashkil qilgan bo‘lsa, 2019-yilda ushbu ko‘rsatkich 63 539 kishini tashkil etgan. 2020-yilning yakuniga ko‘ra 20 958 Turkiya fuqarosi tashrif buyurgan. 2021-yilda 44 168 ta turkiyalik turistlar tashrif buyurgan. 2022-yilning 9 oy davomida 56 792 turkiyalik turistlar kelgan.
Ozarbayjondan O‘zbekistonga 2018-yilda 10 465 sayyoh kelgan bo‘lsa, 2019-yilda – 12 367 kishi kelgan. 2020-yilda 2 213 nafar, 2021-yilda esa 2 890 sayyoh tashrif buyurgan. 2022-yilning so‘nggi 9 oyida esa 5 414 kishi O‘zbekistonga kelgan.
Qirg‘izistondan 2017-yilda Qirg‘izistondan 366 ming kishi kelgan bo‘lsa, 2018-yilda bu raqam keskin oshgan — 1 million 56 ming kishi. 2019-yilda 1 million 454 ming kishi, 2020-yilda 1 million 454 ming 907, 2021-yilda esa 652 166 nafar sayyoh kelgan. 2022-yilning 9 oyida esa bu raqam 920 000 kishini tashkil etgan.
Izoh (0)