Ижтимоий тармоқларда Тошкент вилояти Чиноз туманида профилактика инспектори бошқа шахснинг автомашинасини бирор-бир ҳужжатсиз миниб юргани ҳақида хабарлар тарқалди. Вилоят Ички ишлар бош бошқармаси матбуот котиби ҳолатга муносабат билдирди.
Қайд этилишича, ҳолат ўрганилганда тармоқда тарқалган хабарда айтилганидек профилактика инспектори иштирок этмаганлиги ва келтирилган ходим Мардонбек Боқиев бўлиб, у Чиноз тумани ИИБ навбатчилик қисмида хизмат қилиши аниқланган.
Боқиев Cobalt автомашинасини фуқаро Ж.А.дан ўзаро келишув асосида 13 минг доллар эвазига сотиб олгани маълум бўлган.
«Ҳозирда шу ва хабарда келтирилган бошқа ҳолатлар Чиноз тумани прокуратураси томонидан ўрганилмоқда», — дейилади хабарда.
Изоҳ (0)