«Ўзбекистон Республикасининг фуқаролиги тўғрисида»ги қонунга қўшимча киритиш ҳақидаги қонун лойиҳаси жамоатчилик муҳокамасига қўйилди. Унда катта ҳажмда тўғридан-тўғри инвестиция киритган хорижий сармоядорларга Ўзбекистон фуқаролигини соддалаштирилган тартибда бериш назарда тутилмоқда.
Ҳужжатга кўра, чет давлати фуқароси бўлган ёки фуқаролиги бўлмаган шахс томонидан Ўзбекистонда амалга оширилаётган инвестиция лойиҳаларига камида 1 миллион доллар сармоя киритган жисмоний шахсга ёхуд таниқли олим, спортчи, маданият ва санъат арбобига Ўзбекистон фуқаролигига қабул қилишнинг соддалаштирилган тартибини жорий этиш таклиф этилмоқда.
Амалдаги қонунга кўра, Ўзбекистон фуқаролигига қабул қилишнинг соддалаштирилган тартиби чет давлат фуқароси бўлган ёки фуқаролиги бўлмаган шахс ҳисобланган ватандошга нисбатан қуйидаги ҳолларда амалга оширилади:
- Ўзбекистонда яшайдиган ва Ўзбекистон фуқароси бўлган, насл-насаб шажараси бўйича тўғри туташган лоақал битта ўзидан олдинги қариндошга эга бўлса;
- тирикчиликнинг қонуний манбаига эга бўлса;
- Ўзбекистон Конституциясига риоя этиш мажбуриятини ўз зиммасига олса;
- давлат тилини қонунчиликда белгиланган тартибда мулоқот қилиш учун зарур даражада билса.
Мавзуга доир: Ўзбекистон фуқаролигини олган россияликлар сони маълум қилинди
Изоҳ (0)