БАА бутун дунё бўйлаб яшил энергия ишлаб чиқариш учун 100 млрд доллар сармоя киритади

Бирлашган Араб Амирликлари (БАА) бутун дунё бўйлаб 100 ГВт яшил энергия ишлаб чиқаришга 100 миллиард доллар сармоя киритмоқчи. Бу ҳақда БАА президенти Муҳаммад бин Зайд ал Наҳаёнга таянибб «ТАСС» хабар бермоқда.

Бир неча кун олдин биз АҚШ билан стратегик ҳамкорлик дастурини имзоладик ва бутун дунё бўйлаб 100 ГВт тоза энергия ишлаб чиқаришга 100 миллиард доллар сармоя киритишни режалаштирмоқдамиз, — деди президент.

Ушбу ташаббус бошқалар қатори янги кўникмаларни шакллантиришга, янги иш ўринларини яратишга ёрдам беради ва иқлим ўзгариши мақсадларига эришиш йўлида умид чақнаши бўлиши кутилмоқда.

Президентнинг сўзларига кўра, Амирликлар минтақада 2050 йилгача углеводород нейтраллиги стратегиясини қабул қилган биринчи давлат бўлади.

Унга кўра, БАА ўнлаб йиллар давомида миллий иқтисодиётни диверсификация қилиш ва нонефть секторини ривожлантириш бўйича иш олиб бормоқда.

Шу билан бирга, у мамлакат «дунёни нефть ва газ билан ишончли энергия манбаи сифатида таъминлашда давом этишини» таъкидлади.

Ал Наҳаян Бирлашган Миллатлар Ташкилотининг Иқлим ўзгариши бўйича доиравий конвенциясининг (COP-28) навбатдаги конференцияси 2023 йилда Дубайдаги Expo-2020 халқаро кўргазмаси ўтказиладиган жойда ташкиллаштирилишини маълум қилди.

Аввалроқ БАА компанияси Тошкент вилоятида замонавий логистика маркази қуриши ҳақида хабар берилганди.