USM холдинги Мексикадаги маҳаллий ҳукумат идораси — ДИФ Гуэррерўнинг ижтимоий тармоқлардаги аккаунтларида компания номи ва Алишер Усмоновнинг суратларидан фойдаланган ҳолда сохта реклама жойлангани юзасидан муносабат билдирди.
Қайд этилишича, бу турдаги фирибгарлик рекламалари, қоида тариқасида, зудлик билан блокланишига қарамай, яна янгилари эълон қилинмоқда.
Айни пайтда Facebook ва Instagram ДИФ Гуэрреро ташкилоти аккаунтидан эълон қилинган рекламаларни фаол равишда тарғиб қилмоқда (кибержиноятчилар томонидан бузиб кирилган бўлиши мумкин), улар фойдаланувчиларга юқори даромадли сармоянинг турли шаклларини таклиф қилмоқда.
Рекламаларда «аҳоли даромадларини ошириш учун» USM Инвест дастури ишга туширилгани эълон қилинмоқда, шунингдек, «Бугунданоқ пул ишлашни бошланг», дея чақириқ келтириб ўтилмоқда.
Таъкидланишича, на USM холдинги, на унинг акциядорлари, хусусан, Алишер Усмонов ҳеч қачон жисмоний шахслар учун инвестиция лойиҳасини ишга туширмаган ва бошлашни режалаштирмаган.
Бундай рекламаларга дуч келган ҳар бир кишидан уларга эътибор бермасликларини ёки улар ҳақида эълон қилинган манбалар устидан шикоят қилишларини сўраймиз. Ҳушёр бўлинг, яқинларингизни огоҳлантиринг ва фирибгарларнинг ҳийлаларига учманг, — дейилади баёнотда.
Изоҳ (0)