Қуддуснинг Эски шаҳар қисмида пичоқ билан қуролланган номаълум шахс Исроил чегара полицияси ходимларига ҳужум қилди, оқибатда 3 офицер яраланди. Бу ҳақда Jerusalem Post хабар бермоқда.
Хабар қилинишича, ҳужумчи бир офицернинг оёғига пичоқ урган, яна икки ҳуқуқ-тартибот ходими эса отишмада жароҳатланган. Жиноятчи отиб ташланган.
30 ёшли полициячи ўрта даражадаги тан жароҳати билан касалхонага ётқизилган. Қолган икки жабрланувчи енгил жароҳатлар олган.
Аввал Италиянинг Милан шаҳридаги савдо марказида пичоқ билан қуролланган 46 ёшли эркак ташриф буюрувчилар ва марказ ходимларига ҳужум қилган эди. Оқибатда бир киши ҳалок бўлган.
Изоҳ (0)