Apple компанияси Interbrand талқини бўйича дунёдаги энг қиммат брендлар рейтингида ўз етакчилигини сақлаб қолди. Бу ҳақда «Коммерсантъ» хабар бермоқда.
iPhone ишлаб чиқарувчиси кетма-кет ўнинчи марта биринчи ўринни эгаллади. Компания брендининг қиймати 482,2 миллиард долларга баҳоланмоқда, бу ўтган йилгидан 18 фоизга юқори.
Ўтган йилгидек кучли учликка Amazon ва Microsoft кирди. Бу сафар улар ўрнини ўзгартирди: Microsoft бренди йил давомида 32 фоизга ошиб, 278,3 миллиард долларга кўтарилди, бу унга Жефф Безос компаниясини қарийб 3,5 миллиард долларга ортда қолдириш ва рейтингда иккинчи ўринни эгаллаш имконини берди. Amazon бренди 2022 йилда 274,8 миллиард долларга баҳоланади.
Рейтингга киритилган брендларнинг умумий қиймати йил давомида 16 фоизга ўсиб, рекорд даражадаги 3,1 триллион долларга етди. Брендлар Interbrand рейтингининг бутун даврида ҳеч қачон бундай тез кўтарилмаган.
Энг қиммат брендлар ўнлигига Google (251,75 миллиард доллар), Samsung (87,7 миллиард доллар), Toyota (59,76 миллиард доллар), Coca-Cola (57,5 миллиард доллар), Mercedes-Benz (56,1 миллиард доллар), Disney (50,3 миллиард доллар) ва Nike (50,29 миллиард доллар) кирди.
Interbrand’нинг доимий равишда энг яхши глобал таъсирга эга брендлар рўйхатини тақдим этади.
Мезонларнинг қатъийлиги туфайли, ҳатто Alibaba каби йирик компаниялар ҳам рўйхатдан четда қолиши мумкин.
Асосий мезонга кўра, даромаднинг камида 30 фоизи бренд ишлаб чиқарилган мамлакатдан ташқаридаги ҳудудлардан олиниши керак.
Изоҳ (0)