Эрон Россия газини сотиб олиб, ўз газини бошқа давлатларга жўнатмоқчи
Эрон ташқи ишлар вазирининг иқтисодий масалалар бўйича ўринбосари Меҳди Сафари мамлакат ҳукумати ички эҳтиёжлар учун Россиядан газ сотиб олиши ва Эрон газини бошқа давлатларга сотишини айтди. Бу ҳақда «Коммерсантъ» хабар бермоқда.
Етказиб бериш учун Россия ва Эрон тез орада қўшма корхона ташкил қилади. У Форс кўрфази ва Араб денгизи давлатларигача бўлган газ қувурини қуриш учун масъул бўлади.
Эроннинг Россия билан газ савдоси сценарийси бу мамлакатдан газ сотиб олиш ва кейин ўз газимизни қўшни давлатларга экспорт қилишдан иборат, — дейди Сафари.
Вазир ўринбосарининг сўзларига кўра, бундай схеманинг ягона муаммоси шундаки, Эронга Россия газини сотиб олиш учун воситачи керак. Бу давлат Туркия бўлиши мумкин.
Айни пайтда Эрон Россиядан олиши мумкин бўлган газнинг потенциал ҳажми кунлик 50 миллион куб метрни ташкил этади.
Аввалроқ Туркия Европани Россия ва Эрон энергияси билан таъминлай олишини эълон қилганди.
