Фарғонада 1 миллиард сўмлик уяли телефонларнинг ноқонуний олиб кирилишига чек қўйилди. Бу ҳақда «Дарё»га вилоят божхона бошқармаси ахборот хизмати маълум қилди.
Қайд этилишича, вилоят божхона бошқармаси контрабандага қарши курашиш бўлими ходимлари томонидан ДХХ ходимлари билан ҳамкорликда тезкор тадбир ўтказилган. Тезкор тадбир давомида фуқаро Ё. бошқарувидаги Mercedes-Benz русумли автотранспорт воситаси Фарғона тумани ҳудудида тўхтатилиб, холислар иштирокида кўздан кечирилган.
Натижада мазкур автомашина юкхонасининг махсус ясалган қисмида автомашинада йўловчи сифатида ҳаракатланиб кетаётган бошқа фуқарога тегишли бўлган хорижда ишлаб чиқарилган ҳамда божхона расмийлаштирувидан ўтганини тасдиқловчи ҳужжатлари бўлмаган, умумий қиймати 1 миллиард 13 миллион сўмлик 19 турдаги 484 дона уяли алоқа воситалари борлиги аниқланган.
Ҳозирда мазкур ҳолат юзасидан жиноят иши қўзғатилиб, тергов ҳаракатлари олиб борилмоқда.
Изоҳ (0)