«Дарё» нашри 31 октябрда Ўзбекистон ва жаҳонда содир бўлган энг муҳим воқеаларни эътиборингизга ҳавола этади.
Киев, Харьков ва Запорожьега кетма-кет зарбалар берилди.
Киевда кетма-кет портлашлар содир бўлди, Бу ҳақда UNIAN ва «Strana.ua» хабар бермоқда.
Киев мери Виталий Кличко муҳим инфратузилма объектлари портлаганини тасдиқлади. «Пойтахтнинг бир қисми электр таъминотидан узилиб қолди. Баъзи туманларда сув таъминоти йўқ. Барча хизматлар ишламоқда», — деди у.
Киев осмонида Россия ракетасининг уриб туширилиши: Киев вилоятида ҳаво тревогаси эълон қилинди. Ҳаво ҳужумига қарши мудофаа тизими ишламоқда.
Шунингдек, бир қанча портлашлар Запорожьеда ҳам юз берган.
Харьковга ҳам зарбалар берилгани маълум қилинди. Мер Игорь Тереховнинг сўзларига кўра, иккита зарба муҳим инфратузилма объектига келиб теккан.
Винница вилоятида Россиянинг уриб туширилган ракетаси фуқаролик объектларига қулаган, вайронагарчиликлар бор.
Украинанинг Черкасси вилоятиги муҳим инфратузилма объекти зарбага учраган, ҳудуднинг бир қисми электр токидан узилган, дея маълум қилди губернатор Игорь Табурец.
Инфратузилма объектларига берилган зарбалардан кейин Украинада темир йўл линияларининг бир қисми токдан узилиб қолди. Йўналишларга тепловозлар чиқарилди.
Киевдаги портлашлар фонида Чехия бош вазири раҳбарлигидаги делегация шаҳарга келди
Учрашувда Украинанинг урушдан кейинги тикланиши ва Чехиядаги украиналик қочқинлар билан боғлиқ муаммолар муҳокама қилинди, деб ёзади телеканал Липавскийнинг баёнотига таяниб. Унинг сўзларига кўра, музокаралар мавзуларидан бири Украинанинг Европа Иттифоқига интеграциялашувини қўллаб-қувватлаш бўлмоқда.
Финляндия НАТОга Россия билан чегарага ядро қуроли жойлаштиришга рухсат беради — ОАВ
Финляндиянинг НАТОга қўшилиш ҳақидаги аризаси ратификация қилинса, мамлакат альянсга Россия билан чегарага ядро қуроли жойлаштиришга рухсат бериши мумкин. Бу ҳақда Финляндия матбуотига таяниб, Newsweek хабар берди.
Нашр қайд этишича, бундай шаклдаги баёнот шуни билдирадики, НАТОнинг ядро қуроли Финляндия ҳудуди орқали ўтиши ва ҳатто у ерга жойлаштирилиши ҳам мумкин.
Айни пайтда Финляндиянинг Россия билан чегараларига ядро қуроли жойлаштирилиши эҳтимоли ҳукумат томонидан расман тасдиқланганича йўқ.
Bayraktar дронлари «ҳаво — ҳаво» синфидаги ракеталар билан жиҳозланади
Туркиянинг Baykar компанияси тез орада Украинага «ҳаво — ҳаво» синфидаги ракеталар билан жиҳозланган ва камикадзе дронларга қарши курашишга қодир бўлган учувчисиз учар қурилмаларни етказиб беришни режалаштирмоқда. Бу ҳақда компания бош директори Халук Bayraktar Deutsche Прессе-Агентур агентлигига маълум қилган.«Тез орада бизнинг Bayraktar ТB2 ва Bayraktar Akıncı дронларимиз «ҳаво — ҳаво» синфидаги ракеталар билан жиҳозланади, улар нафақат учувчисиз учар қурилмаларни, балки самолётларни ҳам уриб тушириши мумкин… биз синовлар ўтказяпмиз», — деди у.
SAHA Expo кўргазмаси чоғида Туркиянинг ракеталар ишлаб чиқарувчи Рокетсан компанияси ва Bayraktar ўртасида Сунгур зенит ракетасини дронлар билан курашиш учун интеграция қилиш ҳақида шартнома тузилган.
«Сунгур синовдан ўтган ўқ, айниқса, вертолёт ва учувчисиз учар қурилмалар каби ҳаракатланувчи нишонларга қарши. Унинг ‘ҳаво — ҳавў синфидаги ракета сифатида дронларимизда қўлланилиши ўйин қоидаларини ўзгартириб юборади», — деди Рокетсан бош директори Мурат Икинчи.
Шимолий Кореянинг ракета учириши ортидан Жанубий Корея ва АҚШ 240 та самолёт билан ҳаво машғулотларини бошлади
АҚШ ва Жанубий Корея қарийб беш йил ичида биринчи кенг кўламли қўшма Вигилант Сторм ҳаво машғулотларини бошлади. Унда 240 дан ортиқ самолёт, шу жумладан илғор «кўринмас самолётлар», хусусан, F-35А «кўринмас қирувчилар» иштирок этмоқда. Бу ҳақда Yonhap хабар берди.Ушбу машғулотлар Шимолий Корея томонидан бир қатор ракеталар учирилганидан сўнг, қолаверса, Пхеньян яқин орада ядровий синов ўтказиши мумкинлиги ҳақидаги хавотирлар фонида амалга оширилмоқда. Жанубий Корея машғулотларга 140 та самолёт жўнатади. АҚШ эса Япониянинг Окинава оролида жойлашган F-35Б «кўринмас самолётлар»ини тақдим этади.
Машқлар 4 ноябрга қадар давом этади, деб хабар берди АҚШ Тинч океан флоти ҳарбий ҳаво кучлари матбуот хизмати. Уларда АҚШ ва Жанубий Корея ҳарбий-ҳаво кучлари, денгиз пиёдалари корпуси, АҚШ денгиз флоти ва армиясининг «минглаб» ҳарбий хизматчилари иштирок этади. Бундан ташқари, Австралия қироллик ҳарбий-ҳаво кучларининг 33-сонли отряди машқлар учун КC-30А заправкачи самолётини жўнатади.
Ўзбекистонда маҳкумлар учун давлат хизматларини электрон шаклда кўрсатиш имконияти яратилади
Ўзбекистонда маҳкумлар учун давлат хизматлари, шу жумладан нотариат хизматларини электрон шаклда кўрсатиш имконияти яратилади. Бу ҳақда жазони ижро этиш муассасаларининг ички тартиб қоидаларига қўшимчалар киритилади.
Унга кўра, жазони ижро этиш муассасаларида сақланаётган маҳкумлар электрон давлат хизматлари, шу жумладан, нотариат хизматларидан фойдаланиши учун жазони ижро этиш муассасалари маъмурияти томонидан алоҳида хона ажратилади.
Шунингдек, маҳкумлар учун мазкур хона веб-камера ҳамда дунё ахборот интернет тармоғига уланган компьютер техникаси билан жиҳозланади.
Изоҳ (0)