Кўпчилик шакарнинг зарарли томонларини билса-да, рациондан бутунлай чиқариб ташлай олмайди. Ҳаттоки соғлом турмуш тарзи тарафдорлари ҳам қандайдир тарзда шакарни истеъмол қилади, чунки у жуда кўп маҳсулотлар таркибида мавжуд. Elle нашри шакар ҳақида кўпчиликка номаълум бўлган фактларни маълум қилди.
Яширин таҳдид
Статистик маълумотларга кўра, шакар дўкон жавонларида сотиладиган барча тайёр маҳсулотларнинг 74 фоизига қўшилади. Агар кунига истеъмол қилинган шакарни ҳисобланса ва кун давомида овқат ҳамда ичимликларга қўшилган бир неча қошиқ инобатга олинмаса, бу ўз-ўзини алдашдир. Тавсия этилган кунлик шакар миқдори 30 грамм (6 чой қошиқ). Аммо иш жойидаги газаклар, тушликдаги ширинликлар ва нонушта учун шакарли йогуртни ҳам қўшса, ҳақиқий кўрсаткич чиндан қўрқинчли бўлади: ўртача ҳисобда ҳар бир инсон кунига жами 100 дан 140 граммгача шакар истеъмол қилади. Кун давомида рационни кузатиб бориш, умумий ҳолатда шакарни қанча истеъмол қилишни аниқлаш ва шунга яраша унинг истеъмолини камайтириш лозим.
Шакарнинг бошқа номлари
Харидорларни чалғитиш учун ишлаб чиқарувчилар маҳсулот ёрлиқларида «шакар» сўзининг камида 61 та синонимидан фойдаланади. Энг машҳур таъм берувчилардан баъзилари глюкоза, декстроз, малтоза, пекмез, сорбитол, фруктоза ва маккажўхоридан қамишгача бўлган турли хил сиропларни ўз ичига олади.
Сохта маневр
Деярли ҳар бир инсонда ишончни уйғотадиган асосий таъм берувчилардан бири фруктозадир. Соғлом мевалар билан боғлиқликни келтириб чиқарадиган зарарсиз номга қарамасдан, фруктоза жигарга спиртли ичимликлар каби бир хил таъсир кўрсатади: уни зарарлайди ва патологияларни келтириб чиқаради.
Қонда қанд миқдорининг кескин ўзгариши
Шакар тушкун кайфиятни енгишга ёрдам беради, деган фикр ҳақиқатга тўғри келмайди. Шоколад ёки ширинликнинг тезкор таъсири қондаги инсулин даражасининг ошиши билан боғлиқ бўлиб, у доимо кескин пасайиш билан бирга келади. Натижада шакар меъёрдан пастга тушади, бу бош айланиши, чарчоқ, кўнгил айниши, кучли асабийлашишга олиб келади ва гипогликемиянинг бошқа белгиларини англатади.
Математик таҳлил
Кунига битта газли ичимлик юрак-қон томир касалликларидан ўлиш эҳтимолини тахминан учдан бирига оширади. Сабаби аниқ, шакар миқдори жуда юқори. Мисол учун, ярим литр кола тахминан 16 чой қошиқ шакар эквивалентини ўз ичига олади.
Ушбу нуқталардан бири соғлиқнинг ёмонлашуви ёки ортиқча вазн билан боғлиқ муаммоларга сабаб бўлиши мумкин. Ҳеч ким шакар ва унинг ҳосилаларини кундалик рациондан тўлиқ чиқариб ташлашни тавсия қилмайди. Аммо шунга қарамай, истеъмол қилинадиган ширинликлар миқдорини диққат билан кузатиб бориш ва шакарни ўз ичига олган маҳсулотлар сонини тўғри равишда чеклашни бошлаш керак. Натижада соғлиқ, тери, соч ҳолати яхшиланади.
Изоҳ (0)