Юқори ҳарорат организмдаги нормал фаолиятнинг кўрсаткичидир, унга вирусли микроблар кирганда, ҳимоя механизми фаоллашади, деб ёзади Wday.
Вирусли инфекцияларни йўқотиш учун дарров курашиш керак эмас, бу аслида келажакда соғлом иммунитетни шакллантиришга ёрдам беради. Аммо болада тана ҳарорати юқори бўлса, оёқ ва қўллар совиса, бу иммунитет тизими ва терморегуляцияда муаммо борлигини англатади. Бу ҳолат гипертермия деб аталади, халқ орасида «оқ иситма» деб ҳам юритилади ва болага дарҳол тиббий ёрдам кўрсатишни талаб этади.
Гипертермия сабаблари
Қон томир ва иммунитет тизимидаги муаммолар организмдаги физиологик жараённинг бузилишига олиб келиши мумкин. Бундай вазиятда қон асосий ички органлар бўйлаб ҳаракатланади, унинг ҳудуди кенгайиб, қон айланиши секинлашади. Оёқ ва қўлларнинг томирларини спазм қоплайди, бу эса иссиқлик узатишнинг бузилишига олиб келади, ҳатто томир тортишиши ҳам мумкин.
Оддий иситмадан «оқ иситма»нинг ўзига хос белгилари:
- оёқ-қўлларда титроқ билан бирга келадиган қаттиқ совқотиш;
- рангпар тери;
- муздек қўл ва оёқлар;
- лабларда, кафтларда кўкариш;
- юрак уришининг тезлашиши;
- заифлик, безовталик;
- тез-тез, оғир нафас олиш.
Иситмада биринчи ёрдам
Шифокор келишидан олдин болага унинг аҳволини енгиллаштириш учун биринчи ёрдам кўрсатилиши керак. Юқори ҳароратда болаларга биринчи навбатда спазмни йўқотадиган бирор восита берилади, бу қон томирларини кенгайтиришга ва табиий терлашга ёрдам беради. Кейин кўрсатмаларга мувофиқ қатъий дозага риоя қилган ҳолда препаратларни бериш мумкин. Қон айланиши учун қўл ва оёқларни ишқалаб, пешонага нам сочиқни қўйиш ва кўпроқ суюқлик ичириш мумкин.
Агар чақалоқнинг тана ҳарорати юқори бўлса, асосийси ваҳима қилмасликдир, бола сизнинг қўрқувингизни ҳам ҳис қилади. Шунинг учун уни қўлга олиш, тинчлантириш ва илиқ чой ёки клюква шарбати ичириш мумкин. Болани иссиқ ўраш мумкин эмас, аксинча унинг хонасини вентиляция қилиш керак.
Боладаги «оқ иситма»нинг белгиларини, албатта, шифокор билан маслаҳатлашиб даволаш керак. Ўз вақтида ёрдам кўрсатиш мумкин бўлган асоратларнинг олдини олишга ёрдам беради. Оғир ҳолатларда шошилинч касалхонага ётқизиш талаб қилиниши мумкин.
Изоҳ (0)