Россиянинг Белгород вилояти чегарасидаги Шебекино шаҳри ўққа тутилиши оқибатида икки киши ҳалок бўлди, деб хабар бермоқда вилоят губернатори Вячеслав Гладков.
Рус ОАВ ҳалок бўлганларнинг бири ўрта ёшли эркак ва яни бири 16 ёшли ўсмир экани ҳақида ёзмоқда. Дастлаб губернатор беш нафар тинч аҳолининг яраланганини айтганди. Кейинроқ, унинг аниқлаштиришича, ҳодиса сабаб 11 киши яраланган, улардан тўрт нафарининг аҳволи оғир.
Бундан ташқари, Гладковнинг сўзларига кўра, Шебекинонинг ўққа тутилиши оқибатида деярли 15 минг киши электр энергиясидан узилган. «Оқибатларни бартараф этиш ва электрга қайта уланиш учун беш-олти соат керак бўлади», — дея қўшимча қилди у.
Шебекинода қандай объектлар ўққа тутилгани ҳақида расмий маълумот берилмаган. Аввалроқ губернатор гап «фуқаролик объектлари» ҳақида кетаётганини айтганди. «Дожд» нашрига кўра, зарба шаҳар бозорига келиб тушган.
Маълумот учун, вилоят уруш бошланганидан бери ўққа тутиб келинмоқда. Сўнгги ҳафталарда зарбалар сони кўпайган. Вилоятда энергетика объектлари, алоқа ва уй-жой коммунал хўжалигини муҳофаза қилиш чора-тадбирлари кучайтирилишини ҳам вилоят ҳокими маълум қилган.
У Белгород ва чегара ҳудудларидаги тадбиркорларга мослашувчан жадвал жорий этишни ва ходимларни масофавий ишлашга ўтказиш имкониятларини кўриб чиқишни тавсия қилган.
Мавзуга доир:
- Белгородда поездлар ҳаракати тўхтатилди, Курскда электр таъминоти узилди. Бу ҳудудлар Украина қўшинлари томонидан ўққа тутилгани айтилмоқда
- Белгороддаги отишмада ҳалок бўлганлар рўйхатида қайд этилган 2 аскар тирик бўлиб чиқди
- Тожикистон Ташқи ишлар вазирлиги Белгород яқинидаги терактга ўз фуқароларининг алоқадорлигини текширади
- Белгороддаги полигонда 11 киши отиб ўлдирилди. Россия Мудофаа вазирлиги буни «теракт» деб атади
Изоҳ (0)