Қозоғистон Миллий хавфсизлик қўмитаси «Бейнеуский» жиноий гуруҳини қўлга олиш бўйича махсус операция ўтказди. Уюшган жиноий гуруҳ раҳбари ва унинг 5 нафар фаол аъзоси қўлга олинди, деб хабар бермоқда “Zakon.kz”.
11 октябрь куни Олмаота, Ақтау, Манғистау вилоятининг Бейнеу ва Оқжигит посёлкаларида кўп босқичли тезкор ишланмалар натижасида МХҚнинг «А» махсус мақсадли хизмати иштирокида «Бейнеуский» жиноий гуруҳини қўлга олиш бўйича бир марталик махсус операция ўтказилган.
МХҚ маълумотларида айтилишича, ушбу жиноий гуруҳ аъзолари Ўзбекистон ва Қозоғистон давлат чегарасидаги «Тажен» назорат-ўтказиш пунктида хорижий фуқаролар ва хусусий юк ташувчилардан мунтазам равишда пул ундириш ҳамда бошқа оғир жиноятларда гумон қилинмоқда.
Махсус операция давомида уюшган жиноий гуруҳ раҳбари ва 5 нафар фаол аъзоси қўлга олинди. Ушбу шахсларга нисбатан қамоққа олиш тарзидаги эҳтиёт чораси танланди.
Изоҳ (0)