Миллий антидопинг агентлиги сўнгги 9 ойда 5 нафар спортчи допинг қабул қилганини аниқлади. Бу ҳақда АОКАда ўтказилган брифингда Вазирлар Маҳкамаси ҳузуридаги Миллий антидопинг агентлиги бош директори Абдушукур Садиқов маълум қилди.
Агентлик томонидан ўтган 9 ой давомида барча спорт турлари бўйича 280 та допинг-синамалар олинди ва 5 нафар спортчи тақиқланган модда истеъмол қилгани аниқланди. Бундан ташқари, мамлакатда ўтказилган халқаро мусобақаларда спортчилардан допинг-синамаларни олиш Ўзбекистон миллий антидопинг агентлигига ишониб топширилди. Бунда 95 нафар спортчида текширув ишлари олиб борилди.
Агентлик томонидан спортчилардан допинг синамалар олиш янги босқичга олиб чиқилди. Шу кунга қадар фақат пешобдан синамалар олинган бўлса, эндиликда қон орқали синамалар олиш йўлга қўйилди.
Мавзуга доир:
- Ўзбекистонлик оғир атлетикачи Мафтуна Исмоилова антидопинг қоидаларини бузгани сабаб 4 йилга дисквалификация қилинди
- Ўзбекистонлик курашчи Султонбек Элмуродов антидопинг қоидаларини бузганлиги сабаб 4 йилга дисквалификация қилинди
- Дзюдо бўйича Рио—2016 совриндори Диёрбек Ўрозбоев допинг сабаб 3 йилга дисквалификация қилинди
Изоҳ (0)