Жайралар ноқонуний овланиши билан боғлиқ эълон қилинган ҳолат юзасидан Давлат экология қўмитаси ва ички ишлар органлари ходимларидан иборат экологик патруль гуруҳи томонидан ўрганиш олиб борилаётгани ҳақида хабар берилган эди. Ўрганишларда видеотасвирда кўрсатилган ҳолат содир этилган манзил ва фуқароларнинг шахси аниқланди.
Маълум бўлишича, Сурхондарё вилояти Сариосиё тумани «Шабнам» МФЙда яшовчи фуқаролар О.Й. ва Д.С. Ҳисорак қишлоғига яқин тоғолди адирликда жайрани ноқонуний овлаган. Билдирилишича, ҳолат бундан 4 йил аввал содир бўлган.
Фуқаролар бу билан «Ҳайвонот дунёсини муҳофаза қилиш ва ундан фойдаланиш тўғрисида»ги қонуннинг 42-моддаси ва «Ов қилиш ва овчилик хўжалиги тўғрисида»ги қонуннинг 17, 27-моддалари талабларини бузган.
«Маъмурий жавобгарлик тўғрисида»ги кодексининг 90-моддаси прим-1 қисми билан ҳуқуқбузарларнинг ҳар бирига 3 миллион сўмдан жарима ва 1 миллион 800 минг сўмдан табиатга етказилган зарар белгиланди.
Изоҳ (0)